連續二日返左內地工幹,返大陸做野真係好鬼死累,

凈係搭車都累死人,唔係太鐘意搭長途車,

落車果一刻真係............累,

內地工作D環境都比較差,

最嚴重我覺得係嘈音問題,內地D人唔係好理人,

係佢身邊做緊野佢都可以不停打鐵,真係煩........

第二就係安全問題:D燒焊磨機冇遮冇擋,

D火花勁過過年放煙花,成日都比佢地彈親,

不過有時為左搵錢,都算係工作一部分,

只有自己小心D囉,盡量保護自己,

今日返到落香港,都成3點幾,

5點幾就訓左覺,因為真係好累,

訓到9點幾起身食飯,睇電視算><

琴晚出去接女朋友,去到佢留下停低熄匙,

諗住聽下歌算啦,竟然唔記得熄車頭燈,

聽下聽下突然冇聲,我都覺得其怪,

最後熄埋機,先知我冇熄車頭燈用晒d電,

想開車開唔到,著唔到車,心諗唔係咁黑呀,

即時打比個fd叫佢出黎救我,由9點等到11點先到,

等左兩個鐘頭,人都癲.............

最後用過江龍幫我著返架車,

跟住佢話幫我搞搞個放氣嘩佬,

點知條氣喉都搞斷埋,不過條喉都老化啦,

硬硬地....一擰就斷><

好彩最後走到,唔係又要叫拖車麻鬼煩,

今日冇咩野做,入左三月份,

工作量真係小左好多,有好有唔好啦,

好既就係早d收工返屋企抖抖,報告唔洗出得咁急,

唔好既係好以冇咩野做,公司要cut ot,

不過對象唔係我,係公司某d督ot太利害既人,

只好慢慢來吧。

真係好耐都冇寫過日記,可能真係工作太忙啦,

最近工作開始順利,我好快就上手了,

但識做還識做,我的工作都係雖要一d牌照,

我下個月就會去考牌,令我工作更上一層樓,

呢兩個月真係用左好多錢,讀完書學費三萬,

買左架新車用左三萬蚊,宜家要考牌用一萬五千,

好彩我有親人係身邊,我都仲負擔得起,

呢排好累.......成日都好想唔夠訓咁,

但又唔係夜訓wo,真係唔知點解,

唔知係咪壓力大左呢?真係想比自己放鬆一下,

不過當想被自己放鬆既時間,問題又開始出現煩擾我,

感情問題一直係我好大既遺憾,到現在一刻我都未能解決,

有時候我真係想放低晒所有野,只顧我自己工作,

我想係事業上有一番作為,我真係好鐘意份工,

呢排要係香港工作,又要出差內地工作,

工作完要出一大輪報告,又忙著考試溫書,

真係有d頂唔住,願工作順順利利。

                       我的新車:

今日起身打1號風球,出面明顯大風左好多,

但出門口就冇落雨,去到火炭買完麵包就開始有小小雨啦,

今日黎左兩個新人,但我覺得好多人走左,

有d比人抄左有d自己唔做,到左食晏仲有d走埋,

唔知點解咁多人走,唔知係唔舒服定係琴日聽左有人講野,

不過好彩走果d都唔係平時我玩開果班,

今日成日都好以係到玩咁,一路做野一路吹水,

仲要個個都好以好活躍,好多野講,

成日疾黎疾去真係好好笑,下就過得好快就收工啦,

放左工仲驚落雨所以行快左兩步,到左火車站就放心了,

今日出左糧單,人工都算不錯,雖然唔夠以前高人工,

都係得九千幾蚊,不過工作時間真係短左好多,

五點鐘就收工啦,以前起碼麵都夜晚10點,

返到屋企電視都冇得睇,宜家鐘意做咩都得,

可以做我鐘意做0既運動,唔知個風幾時先打到黎呢?

希望唔好星期日啦。

《《有時係屋企都幾悶下,返工都ok開心》》

忘記是很痛苦的， 從前如是，今天也如是。

不過，以前的痛苦是因為記不起，今天的痛苦，

卻是怕自己無法忘記。

今日同平時一樣咁起身返工食野,

同平時唔一樣0既係呀健女朋友語氣唔同左,

當我知道呀健會比人抄0既時候,我都有諗過會唔會係我做野太好,

宜比人睇得到佢工作效率下滑要抄佢呢,係咪我問題呢?

我真係覺得好唔好意思,我做野就覺得人地比得起錢我,

我就要做到最好比人,到左食晏我同樣同班兄弟打機,

到左放工班兄弟同我一齊走,同我講左好多野,

話呀健今日講左我好多壞話,話我搶晒d野做,話我對d兄弟指指點點,

話我扮晒野,我吊佢老母西,我真係好撚嬲,

話我搶野做,係大佬叫佢做野,佢唔應人唔理,

大佬先叫我幫幫手,公司咁大咁多野做,

難度我一個人真係做得晒?話我指指點點,

我好以日日都比d兄弟叫我做呢樣果樣wo,

叫班兄弟小心d,話佢走左我實比面色人睇扮大佬,

我從來都冇諗過,我只係做返自己野,人唔煩我我唔煩人就最好啦,

你咁樣離間我同班兄弟,你冇野呀下,好彩我班兄弟都知咩事,

個個都撐我,如果唔撐我都唔會將佢講d野話晒我知啦,

但我真係唔底,我知道你比人抄心情係點,

但都唔可以將咩都賴晒落我到,我冇做過講到我真係有大過咁,

好彩我放工先知,如果做緊野比我聽到,我實反台吊柒佢,

你係咁做得野唔洗請咁多日假啦,你話我搶野做我覺得你係唔想做,

俾晒我做囉,你唔捱得辛苦你走冇問題,但唔好咁多野講,

我做唔做到野唔係你睇,係d大佬主管睇,

仲有呀,你走左一定升我架咩,我實比人升硬架?

如果唔係升我,咁你係咪收返d說話先,定話我抵撚死做咁多野都唔升你,

好彩你得19歲,人情細顧可以慢慢學,今次就當你一個教訓啦,

唉.......叫我點面對班兄弟,我真係想遲職,有d兄弟明唔係個個都明架嘛,

好累呀咩都冇晒心情做。

《《衰野點解咩都係我架...工作...愛情》》

一個人最大的缺點不是自私、多情、 野蠻、 任性，
而是偏執地愛一個不愛自己的人。