今朝又要早起身∼又要返學舉牌∼不過我冇去點名（學生長）∼

等美麗姐搵我＞＜”””跟住被佢捉左去舉牌∼

舉完返去自己果班排隊啦∼見到前面果個同學∼係咁被滴落黎既水滴到∼

上返班房∼第一二堂上數學堂∼教新野又∼唔係好難∼

跟住開始又要收會計功課∼真係唔係幾想做科長∼做科長首先自己唔可以欠交功課先啦∼

雖然ＡＣＣＯＵＮＴ好易∼但係好煩囉∼一題數開八至十個Ｔ戶口！！

開到手都痺！！＞，＜！！跟住上會計兩堂∼又做∼

佢叫我地做一題數∼我心諗：咁正？？

我做完之後呢∼佢叫我做埋下一題∼我又做完∼佢又叫我做下一題∼

跟住數返做左３題數（開左幾十個戶口！！）

差唔多落堂果時∼佢叫我∼做哂ｌａ？？咁做功課啦∼

我心諗一早應該叫啦∼Ｄ例子咁易∼

跟住上兩堂英文∼Ｍｉｓｓ∼Ｌｉ又罵人∼

勁多人冇做功課∼好彩小息果陣時抄左∼如果唔係死定∼

又被佢扣平時分！！

跟住食飯∼唔想出去∼係小食部買左餐蛋冶食∼仲買左支蘋果綠茶！！（好好飲呀）

想請我飲野∼最好請我飲蘋果綠茶！！＾＾

之後ＰＥ堂∼支力到痴肺∼首先圍住學校跑３個圈∼

跟住返黎做ＳＩＴ－ＵＰ∼做完再做掌上壓∼支力到想死∼

上ＰＥ堂時知道左一Ｄ事∼聽完好唔開心∼

跟住去打羽毛球∼我都係鐘意玩羽毛球多Ｄ∼

打完換衫∼等阿Ｊａｃｋ同阿包落黎∼之後去做悉尼果份野∼

５點離開學校∼＞＜返到黎仲要做功課∼

多謝阿Ｊａｃｋ既幫忙∼支力∼＞＜！！

９月１８∼我既生日∼

今朝一早起身∼如常一樣刷牙洗臉食早餐∼

６：４７分出門口∼岩岩趕到班車∼

之後返到學校∼唔記得今日早讀∼冇帶書∼

跟住早讀果時∼Ｍｉｓｓ帶左書俾我地∼

郭淑君係咁同我講生日快樂∼攪到我好”羅”∼

之後下午同奶媽班友去大圍食大家樂∼第一次出去食∼

好開心呀∼２點２０分返到學校∼好彩趕到返黎∼

放左學之後∼去做身份證∼做左勁耐∼好煩！！

做完之後∼諗住坐巴士返屋企啦∼點知蕩失左喎喎＝＝”””

浪費左２０分鐘呀ＯＫ∼好彩有的士咋∼

做完ＨＷ！！訓教∼                                     

今朝好晚先起身∼好彩係補習前十幾廿分鐘起身食早餐∼

如果唔係要等４個鐘頭先食得∼今日又如常補左４個鐘頭∼

支力死∼下午六點幾，老豆返屋企ｌｕ∼終於可以同佢船頭尺（拎錢）∼

問佢拎左５００∼跟住出街同親戚食飯∼慶祝生日∼

８點半食到１０點∼又要ｄｏｗｎ＜＜美女廚房＞＞落黎睇ｌａ∼

唔通我同佢真係冇緣∼∼次次都睇唔到∼

最尾食生日蛋糕∼好好笑∼我細佬唱得勁大聲∼攪到我好（羅）呀∼＞＜∼

仲要十幾個人望住我∼（我地十幾個人去酒樓食）

我既生日願望就係可以識到更多朋友同埋希望我我地友誼永固∼

跟住返黎睇女王的教室最後一節∼好感動呀＞＜．．．嗚嗚嗚

生日ｌｕ∼生日ｌｕ！！

今朝要帶衫（便服）∼因為放學去慶祝生日∼費事穿校服啦∼

跟住又遲左學生長既點名時間∼唉∼

跟住小息果時又要收商業功課∼ｄ人又唔肯自己交喎∼

一陣間佢地又賴我冇叫佢地ｌａ∼跟住我係佢地走之前∼問左邊個未交？？（好大聲嫁ｌａ）

之後有幾個人應我∼收埋果幾個人果份就點下有幾多份啦∼

點之都仲係有幾個人未交∼等左好耐∼都仲係冇人自動交∼煩死ｌａ∼

終於要用到人名單∼點名∼勁黑人憎囉∼

當我點緊名果時∼ｄ人先一個一個咁交喎∼幾想鬧佢地呀∼

有個人仲要同我講話∼聽唔到我叫佢地交∼當場唔想做科長∼

我專登唔當值∼黎收功課∼佢咁樣講喎∼好激氣囉∼

放學之後∼去左朋友屋企換衫衫∼然之後去食日本野∼

今日慶祝我同埋另一個朋友（阿郭）我９月１８∼佢９月１５

成日都記錯佢係１６號生日＝＝””

跟住另外果ｄ朋友送左兩件細型ｃａｋｅ俾我地∼好靚嫁∼＞ｖ＜

食完之後∼去行街∼傾計∼

阿郭∼唔好諗咁多啦∼隨緣吧啦∼

今年生日願望有好多個∼不過我最希望可以識到更多朋友同埋維持而家任何一個朋友既友誼∼

遲ｄ會好忙∼又參加埋公民大使∼不過我自願既∼最後一年可以玩ｌａ∼

當然要加油啦∼今年我都唔會淨係掛住玩既∼”學習時學習，遊戲時遊戲”丫ｍａ∼

就黎生日ｌａ∼今年第一次屋企人係為左我生日而食飯∼

我雖然係好開心∼但係我知道佢地心入面一定係諗住：

｛又食？？上次唔係同佢細佬一齊慶左咩∼而家又慶祝呀？？真係煩呀佢｝

當我想到佢地心入面咁諗既時候∼我都好ｓａｄ∼

不過∼最少今年可以同幾個朋友一齊慶祝∼雖然時間得幾個鐘頭∼

不過佢地唔得閒∼冇所謂啦∼聽日放學就去ｌｕ∼應該幾開心既＞ｖ＜

呢排見到阿東張相∼佢又唔同左∼不過我一定會認得佢嫁！！

佢而家打緊工∼佢染左少少髮∼好型！！（話佢幾型係唔夠＝＝””）

琴日同黃銘樂打羽毛球∼勁厲害囉佢∼（唔好串我∼話係你廢之ｍａ∼咁下∼我嬲嫁！！－，－）

好掛住悉尼ｄ朋友同埋兩個堂哥呀∼唔知幾時先可以見到你地呢？？

希望見返你地果時∼我會成長左啦∼