今日好頹!
可能係因為尋日見到榮b好努力咁溫英文掛,
個陣本來好興起的我都變得靜晒,
好唔開心,皇兒同我講:「既然你見到咁樣,
咁你唔係應該覺得係一個激勵咩?」
係呀!我應該用呢個做激勵的,
但係我就知道自己做唔到,
所以先咁唔開心,
好辛苦,,,,,,我覺得自己真係好無用,,,

又加上返學的課程沉悶,
我真係無心上堂,
盧sir解題個陣,
我都無聽,自己係咁諗條概率數,
之後雖然都係要聽盧sir講答案,
但真係無辦法做到專心,,,

小息個陣,
同呂嘉豪同珊姐係咁講班男仔應該著咩衫好,
珊姐話我好有研究,去做設計好!
而且我仲成日都整小肥條腰,
真係好瘦呀!!!
我真係好中意小肥....
------條腰呀!!哈哈

放學,,去左隔離班房彈琴,
雖然彈得唔係幾好,
但都彈到一首完整詩歌,,
呵呵,,還有點開心啦!

P.S:上堂都有一個星期多,
雖然話重讀生會對我地有生疏,
但係對於林潤玉我覺得佢好似對我地太過有禮,
就好似好驚會做錯咁,,,,,
佢太唔適應我地班,
不過我都認自己好嘈,,
我會試下唔咁樣啦,,
我無心機再去嘈啦~~~