警報警報!!今日蔡sir差d嚇死全班啦!!
話說我地上緊堂之濟,
蔡sir突然拎出佢d架撐玩魔術,
然後又拎一碌紅蘿蔔出黎,
當住我地面用佢d架撐切左佢成兩節,
之後佢叫肥him擺隻手上去,
之後就問肥him信唔信佢,
肥him即刻搖頭,
當然我地成班都唔信,
所以我地好擔心肥him的手,
佢想切個陣,佢就話肥him隻手震晒,
搞到佢都驚驚地,
驚會記錯步驟,切左肥him隻手,
之後佢叫我地數123,
咁我地就數,「1,2,3」
「下!」蔡sir就咁切左落去啦,
個陣都嚇到全班都係到叫啊,,,
好恐怖呀~~~
最後點?!梗係無切到啦,,,
切到都唔送醫院駁返佢咩!!

係上數學堂之前,
我聽到一個我聽完唔覺得驚訝,
但係事後諗返先覺得驚的一件事,
不過又唔可以係到打出黎,
畢竟都唔知係咪真的!!

math 堂,無其他野做,
淨係盧sir係咁幫我地解題,
不過一個正方體都可以搞掂盧sir,
唔通盧sir其實係一個唔識3D的人?

lunch,拎出今日的午膳---紅蘿蔔,
嚇襯蘇生,但雲雲就好開心,
不過雲雲話唔好食咁多,
會變紅蘿蔔色的-0-"
後尾我發現一個半的紅蘿蔔我真係食唔晒,
係咁俾人幫我食,計計下都有成7個人幫我食咁d,
有ms lam喔..!!呵呵,,,,,

打完波之後,成身臭汗,
我真係拍得上幾日無沖涼的人了,
連我自己都頂唔順自己,
所以我好佩服阿爺,
佢都頂得順,
但我真係聞到自己都想死,,><""
我係一個勁臭汗的女人,
好彩我無男友,如果唔係佢一定會厭棄我!!
不過男友呢個名詞不嬲都離我好遠!

中文堂,莊sir不停地同我講最新會考評分方法,
死梗啦,,,,我作文咁差,肯定拎緊下品啊!!
個陣真係唔知點死,,?!!

P.S"聽日ms cheung就返黎啦!!
感謝mrs lour呢幾日黎的照顧,
不過我覺得mrs lour有時個樣好嚴肅啊!
搞到我好驚~~

放學同黎家俊,肥裕,妹頭打波,
本來winnie都有返黎諗住同我地打波,
不過佢已經係外校生,
所以唔可以係學校打,
之後佢就搵陸ir去了,
而我地就打左差唔多半個鐘就走人了,
咁我就同winnie一齊走,,,
嗯嗯..今日就係咁啦~~