今日英文堂,皇兒同mr.lee係到爭執,
由於mr.lee話由下個星期三就要補課,
不過皇兒個班就星期三要bio補課,
所以皇兒就想mr.lee改時間,
不過mr.lee就話學校咁安排就無得改,
之後mr.lee就係咁同我地講,
佢個人認為英文重要過bio,
不過我覺得我地英文咁差,
或者同mr.lee教學方式不妥有關,
所以就算補課我覺得都無咩用!

之後週會,我想講好悶啊,
我都唔明點解無啦啦要討論到底要唔要取消周會,
我心諗,如果我地話要取消,
咁校方又會唔會取消呢?!
都好無奈囉..令我~~
而且又要練寶無啦啦上去...
呼,,,,>,<""

math堂,盧sir係咁解數,
而且神奇地無段段整爛左個鐘,
盧sir真係暴力過我啊!!
唔要得,,,,,,
P.S:盧SRI,我強烈抗議你的偏心,
你淨係睇練寶的日記,
我咁用心寫你都唔睇,
我傷心呀!!
定係我唔寫我要奮鬥的決心,
所以你不屑睇呀?!!!

RSC堂,溫太講書真係唔錯,
搞爛gag得黎可以同我地講書,
真的是一個唔錯的老師,
但係落堂個陣發生左一件令全班驚慌的事,
就係.....莊sir無啦啦你我地課室出門出現,
仲透過個窗望住我地,
頓時成班都驚到叫溫太唔好走,
溫太就好無奈咁講:
「我保到你地一時,都保唔到你地一世!」
不過好彩,莊sir只係搭lift落去,
呼....嚇死人咩`!!

放學,同班師弟師妹打波,
打打下俾黎嘉俊叫左去幫佢手拎紙皮,
之後上樓梯見到莊sir,
佢見到我個陣,即刻啤住我,
好"兇"我咁同我講「你記唔記得我第一堂講咩呀?」
我都好"驚"咁同佢講「我有做功課呀。」
好九唔八搭啊,,!!
仲有啊..我殺波個陣,
唔小心殺中廖達的重要部位,
佢好似好痛咁,但我幫唔到佢,
呵呵...-,-""
之後陸sir趕人,我同個師弟就一齊走了~~