尋日呢!我就開始帶飯啦,

咁尋日就因為琴琴已經排左隊,

我就好厚面皮咁插隊,真係好衰呀!!

咁今日因為遲左落去,所以就要自己排隊啦,

不過,,我覺得學校D微波爐真係好慢,

我屋企個個3分鐘,玩一玩電腦就叮我啦,

但係學校個個就好慢咁,

唔通因為有得玩同無得玩的分別?!

不過總括而言,叮飯都覺得無問題啦!

但問題係要搵人幫我拎返個飯盒上去,

本來想叫曾浩,但成日煩住佢都好似唔係幾好咁~

唉,,,,唔知點算好呀!!

咁講完今日D野,就講下今日的感受啦!

我而家好清楚知道我唔中意上的堂有,,

中文,生物同化學,首先莊sir教書好情緒化,

話唔教就真係唔教,okay,,fine!never mine,

算囉,,反正中文基礎打唔好,而家點教都唔會岩頻道!

生物,,講真,,真係對蔡sir教書方法無好感,

講野唔岩常識之餘,仲要話無常識個個係我地,

就好似今日講食「冰」,話酒井小姐唔係俾人發現佢有毒品,

而係佢身邊有個膠樽,跟住就話用膠樽食冰係常識,

得啦!O晒咀啦!我地無蔡sir你對吸毒咁有研究~

化學,,mr,tam個份筆記真係好有心機,

有心機到我一打開本書就見到相同內容的資料,

所以我覺得珊珊講得岩的係佢D筆記無ms tam個D咁好!

聽日又有盧sir堂,唔知會唔會又好似今日咁樣對D阿sir堂咁反感,

畢竟,,我真係好憎讀書,尤其係衰左好多次個D科目呢!!

所以一個字講晒:煩!