岩岩睇完靖儀妹同fiona個blog,

首先發現的係靖儀妹有時個blog都會有我個中文名,

唔係英文名呀!!即係佢打倩彤,而唔係auntie喔,

但係我覺得佢咁樣打,

我feel到好happy,因為有好多人都會記得我個英文名,

但就唔記得我個中文名,所以靖儀妹咁做無疑是表示佢真係記得我個名,^^

而且佢有時會打下我對莊sir同盧sir的感受係點,

所以我覺得靖儀妹真係好留心咁聽我講的說話^^!!

而fiona啦!我覺得佢打d野呢,雖然係日常都會發生,

但係佢都打得好好,至少我睇得好有興趣啦!

所以我係佢個blog到留言,,話學下佢先,

不過我無係靖儀妹個blog到留言,

因為我想彼此都將想講俾對方的話都打係自己日記到,

好唔好呀?靖儀妹~~

打完睇左人地日記後的感想,跟住點打今日d事好呢?

嗯,,,phy堂就黑左d,份test無用到動能=勢能,

結果無左3分,好心痛呀!!!

不過我見到好多人都拎9分呀,10分呀,好傷心呀!!

math堂,又見盧sir,諗起我尋日打左好多句道歉的話俾盧sir,

不過睇佢今日的反應,我覺得佢好無睇到,

but無所謂啦,因為我都好想振作起黎,

所以就麻煩左羅雪清係lunch到教下我點做概率,

so真係唔該晒羅雪清呀!!

英文堂啦,,點講好呢!!

就好似靖儀妹咁講,佢教得好唔掂,

所以就無乜佢講書喇!係咁係到發白日夢,又同雲雲羅白係到打牙較,

真係一個壞學生的表現呀!!

咁PE堂,,,曹sir叫我地拎咩野,搞乜野,都搞左成堂呢,

所以我地真係上堂的時間,得返一堂,無奈到爆呀!!

玩跳高,見到練寶同葉寶寶都跳得好高,好羨慕呀!

我就跳極都跳唔到,因為都唔知用邊隻腳起跳,

啊!!!仲有,唔該雀屎,,幫我買左枝水打救我,

如果唔係我一定渴死左啦!!

但係上到課室我已經飲晒樽水啦,你睇下我幾口渴呀!!

之後放學,又去左隔離課室彈琴,

之後落去操場見到winnie,俾返件衫佢,等左佢一陣就走左啦!!

(因為佢要6點先走得人,我等唔到咁耐呀!!-,-)