已經2個星期冇沖咖啡勒!

難得尋日買左部新相機( 等左2個月, canon g11 終於出左勒!!) 尋日去買既時候, 行曬成個旺角既百老匯& 雷射 都冇得賣。

最後好好彩咁比我同mani o係豐澤搵到最後兩部~ 立即買左番屋企!! 哈哈

p.s. mani本來諗住只係陪我去買, 但o係我卡文魔鬼由說之下都忍唔住買左~ 呵呵

以後大家就可以一齊研究影相勒! yeah~

另外, 尋日mani 妹妹幫我去左台灣峰大咖啡買左咖啡豆番來, 今日就即刻沖來飲~

峰大咖啡係我同mani 二人既至愛, 入口順候溫和......而且香氣四溢!! 正~

睇來, 我已經開始放棄左用奶泡拉花了, 轉投用朱古力醬雕花 / . \

哈哈, 用奶泡拉花, 太難了!! 要研究研究...

前排o個個咖啡壺放左上yahoo bid, 最近有d聲氣, 有人問$400 賣唔賣, 我即刻"nur" 飯認, 希望賣得出啦!

而相機方面, 因為新買番來, 都未識用, 所以今次影出來既相真係麻麻 / . \ 要再研究!

p.s. 多謝曬尋日mani 比我賺左$150 既外快~ 哈哈

又到一年一度既中秋節勒!

本來今年冇咩興趣整月餅, 但見到同事vicky 興致勃勃咁叫我幫佢買野整, 我又手痕 =.="

但整左2年冰皮, 的確有d悶! 今次一心想整日式月餅, 搞搞新意思!

點知, 去到買材料, 竟然賣曬 >_< 唉, 唯有整番冰皮啦.......

死唔服氣, 不如將d冰皮放入焗爐, 來個冰燒月!!! 出來效果都ok喎~ 哈哈

以下送上今年既月餅, 如果有朋友仔想食, 可以聯絡我, 數量有限, 送完即止!

1) 跳跳虎係今次既限量版, 得1隻!  (因為佢個面太瘦, 好難整, 之後改用左winnie the poo), 味道為 奶油綠豆+熱情果柚子.... (我個人就麻麻)

2) 鋼牙 既皮係用綠茶粉整, 冇落色素天然d ,  味道為 奶油綠豆+宇治綠茶

3) 前排o個2隻就係比我放左入焗爐既 冰燒月! 味道為 奶油綠豆

今日短周, 本來想訓晏d, 點知比2個電話嘈醒左, 冇得訓番 >_<

算勒, 起身食野啦! 點知阿媽今日冇買早餐比我食......

一心諗住煮個麵, 尋晚好似仲見到有2塊漢堡排, 而家已經不翼而飛, 緊係比我細佬食左 T.T

點算好, 食麵一定要有送既我.... 而家咪冇野食?

再打開埋冰箱, 得番一盒丁丁腸粉 *o*

結果今日既早餐就係:  丁丁牛肉腸粉配紅薯粉 =.="" (好奇怪既配塔)

食完野, 係時候打去book台今晚食飯, 5個人去, 餐廳話只比到張4人台我地, 而且冇椅背 / .  \ 算勒, 今晚去到先算!

之後, 沖番杯咖啡飲下~ 自從上次試左咁多隻咖啡豆之後, 各有各特色! 而且各有各不足之處。

把心一橫, 今日來個大拚配!

危地馬拉豆 (芳香溫醇) + 印尼咖啡豆 (入口有驚起但快散味)+ ucc 豆(得個濃字)

加埋曬一齊之後得出來既咖啡味道, 出奇地好飲喎!! 唔錯唔錯~

今日竟然比我好彩拉到個勁細既心心, 但後竟不繼... 最後都係要用朱古力醬補鑊 / . \

 < 整左粒星星+螺旋紋

前排整完蛋糕之後, 仲有少少淡忌廉未完曬, 咁o岩今日阿媽又買左d菠菜番來, 仲話洗好曬叫我自已煮 =.=""

睇下雪櫃有d咩? 咁o岩有盒本來諗住沖咖啡既屋仔奶o係度, 仲有煙肉!!

咁就一於整奶油菠菜啦~~~ 之前o係風月堂食過一次, 出奇地菠菜同奶油好夾!! 今次可以自己整下勒!

材料:

牛油 (1茶匙), 菠菜 (1斤), 牛奶 (235 ml), 淡忌廉 (150ml), 煙肉 (8片切粒), 鹽, 雞粉, 生粉水

做法:

1) 洗淨菠菜, 處理到合適長度備用

2) 燒熱水, 放入1, 加入雞粉煮軟後熄火, 瀝干水份備用

3) 燒熱小鍋, 加入牛油, 溶後, 放入2炒至水份收干

4) 加入淡忌廉, 牛奶煮滾, 和菠菜一起搞拌至吸收, 加入鹽調味後, 用生粉水打獻

5) 用白鑊炒香煙肉片粒, 灑在4上面, 完成

^ 其實個味道有d似白汁煮菠菜咁, 味道都幾好, 但就好肥勒!! 間中食下好勒~~

又一個星期日勒! 如常又到左一星期可以留o係屋企過住悠閒時間既一日~

冇鬧鐘嘈醒實在太好! 起身後斯斯然咁食完早餐, 懶洋洋咁攤o係沙發上睇電視, 星期日冇咩好睇...... 唯有選擇了tvb 播緊劉華舊戲.

劉華果然十年都係同一個樣=.= (汗顏)

睇左一陣之後, 就開始沖杯咖啡出來飲下。

今日可以試下同事o岩o岩o係巴黎買比我既手信, 聽佢講係o係巴黎一間咖啡專門店度買既, 品種係(guatemala 危地馬拉豆)

^ 首先係試味時間: 未加任何野之前味道-->  芳香, 微酸, 冇甘味, 好溫和, 飯後飲都唔錯~

試味完畢之後, 又係每星期一次既latte art 特訓勒. 今日成果不太好 / .\

首先, d奶打得唔太好, 爸爸買左d脫脂奶比我, 好難打!!

第2, 因d奶打得唔好, 一半既泡倒左, 我杯咖啡又得番一半...........

第3, 今日試用朱古力醬整心心草, 效果麻麻 / . \

算啦. 下星期再接再來啦~