自上次豪燒2006 已有一年~

今年我地少左阿NiL , 多左壽星女成員Connie。鼓掌...

(大家千祈唔好誤會我地同阿NiL不和, 而是佢今日唔得閒來唔到姐~阿NiL, 你既精神與我地常在架!)

當然, 今次既食物又係由我主理啦~ O係呢度同你地講! 我真係好鍾意幫你地燒野食嫁~ 因為我真係好鍾意整野食的喲......

等我講番今次有咩食先啦~ 一如以往, 豪燒當係燒一D平時唔常燒到既野啦~

肉類代表: 豬,牛, 雞, 豬頸肉串燒, 羊仔骨, 雞軟骨, 雞翼, 司華力腸, 芝士腸

海鮮類代表: 大蝦, 聖子, 扇貝, 蟹, 白膳,芝士蘑菇墨魚, 鮑魚片

蔬菜類代表: 蒜蓉牛油雜菌, 芝士焗西蘭花, 粟米, 栗子

其他類: 燒賣, 麵包, 棉花糖 

AMY 的一句話: (連栗子都燒埋, 真係下次唔知可以燒D咩~) 哈哈, 世事就係估我唔到架啦~

ICE 的一句話 : (又一次有carmen令今餐如此豐富~) 希望日後都可以帶到更多餐既豐富比你地哦~

KASUMI 的一句話: (彩色既棉花糖好難食架!) 我會記住架勒,下次行十間百佳都好,買番白色比你啦

CONNIE 的一句話: (羊仔骨好好味) 更係啦, 我淹家嘛, 好難得終於搵到個人食羊肉架勒, 羊肉萬歲!

我的一句話: 希望大家今日玩得開心啦, 而且唔好怪我成日霸住個爐哦。我既負出都係為左博你地一笑喳... 而家我成身都散曬勒~

 <--THX ICE 相片~

^ 傻架T.T 2個弱質纖纖既女仔要拿5個人野... 冇陰公 , 等我講解下有D咩啦~

左起:(炭一大包, 1.5L飲品 x3支, 水x5支, 背包袋食物幾kg, 鐵網袋食物幾kg, 藍色冰袋食物幾kg)

我同connie 拿住呢堆野, 行去搵爐行左2個圈, 我地都覺得自己好勁秋囉~

不過今日都玩得好開心, 都抵既

今天晚了起床, 也不是太肚餓, 很想吃一些清清地, 又小小開胃的食物~

打開雪櫃, 見到之前買落的墨魚麵, 和泡菜~ (泡菜? 就會想起經常被說成韓國人的好友 kasumi XD)

墨魚麵給我的感覺就好似一口口的條狀墨魚丸似的,  口感不錯哦~ 大家可以買來試下......

說回正題, 做法真的超簡單, 就像煲即食麵似的~

材料:

墨魚麵, 濃縮雞湯, 蔥粒, 泡菜

做法:

1) 煲滾水, 加入濃縮雞湯, 煮成雞湯

2) 加入墨魚麵, 煮熟, 倒入碗中, 灑上蔥粒完成

3) 另外, 加一點即成的泡菜出來 加入麵中

材料:

豬肉碎, 五香糯米粉, 蔥粒

淹料:

豉油,酒, 糖, 胡椒粉, 麻油, 水大量

做法:

1) 先用淹料淹肉碎, 留意的是用大量水, 令肉成糊

2) 加入五香糯米粉, 搞混後, 加入蔥, 搓成球狀

3) 放入滾水中, 蒸熟, 完成

p.s. 因為是有糯米的成份, 需要大量水份, 及蒸得比較耐, 才會有QQ的效果哦~

今日係我辭職後既第一日, 因為一d事情而令我離開, o係呢度唔想再講邊個唔o岩邊個唔著了。

但可以說的就係, 家人同埋身邊既朋友都好認同我既做法。

今日可以訓晏一點點, 過了一個悠閒的下午。

我本想普普通通咁煮一碗麵, 但後來發現家中有一些材料, 就做了個冷麵來吃~

小小的心思, 加上少少的材料, 本來微不足道的東西, 集合起來後, 卻換來漂亮的美感, 增添我的食慾~

材料:

喬麥麵, 青瓜絲, 火腿絲,  金菇, 蛋絲, 鮑魚片, 芝麻

做法:

1) 煲滾水, 煮熟喬麥麵, 過冷河備用

2) 煲清雞湯, 放入金菇, 鮑魚片 煮熟

3) 加少許油, 煎蛋皮, 切絲

4) 把1放入碗中, 加入青瓜絲, 火腿絲, 煮熟的金菇, 蛋絲, 鮑魚片

5) 灑上芝麻,完成

汁方面:今次家中只有 冷麵汁(豉油味) , 就用這個了~  下次我想買那隻 芝麻味的冷麵汁, 相信會更好吃~

期待以久既地中海藝術節今日終於到左勒~

大早之前已同amy,kasumi 買左今晚既票--- 情迷意大利

係一套歌劇來的~ 入面既演員著住威尼斯華麗既衫演出, 都幾生動有趣架, d樂器+歌聲 真係幾正~

睇完之後, 真係覺得自己成個人都有文化氣息起來哦XD

p.s. 由於係地中藝術節既關係, 大會安排左一些穿著更華麗的威尼斯服人員, o係文化中心對出鐘樓旁邊比人合照, 同埋會作出一d小表演,比人欣賞~

任影唔嬲, 真係唔錯, 就算唔係入去睇野, 都可以行去o個度影相。 可惜我今日冇預到佢有d咁既野, 冇帶相機哦.可惜!! 只可以用手機影jar, 質數唔係太好 >_<

 <-- 除左呢2個之外,仲有好幾個的哦~