今日阿媽買左雞扒番來, 本來比我整通粉, 但冇整到。結果晚餐就整左呢味菜勒~ 叫做日式親子, 好多時o係日本餐廳都會食, 唔錯架~ 所謂親子, 姐係雞肉+雞蛋 材料: 雞扒, 冬菇,雞蛋, 洋蔥, 豉油, 老抽, 糖, 鹽, 酒 做法: 1) 冬菇浸軟, 切片 2) 先張雞扒, 洋蔥切成條 3) 燒熱鑊, 爆香洋蔥 4) 加入雞肉, 爆至金黃 , 加入酒, 加入冬菇 5) 豉油, 老抽, 糖 加入熱水, 份量可以接近蓋過4的表面 6) 張5倒入4, 煲至冬菇入味, 加少少鹽 , 味道o岩 就可以了 7) 熄火, 加入蛋液, 完成。

今日真係愉快既一日, 辛苦左成日, 但好開心。 之後同朋友去了安娜据扒, 好味道!

食左一啖先記得左影相.... 今次叫左3成熟, 因為係鐵板上, 來到都4,5成熟了。 不過很嫰呢, 一d都唔"un"哦~ 黑椒汁不錯。

最好既係杯 凍檸茶(小甜), 平時o係茶餐廳叫小甜o個d完全係冇小過, o係呢度叫既小甜正合我心意!!!

首先同大家講一講, 這個飯不是用焗爐焗, 而是用大家家中一定有的電飯煲來做的哦! 不要搞錯~很易做的..

記得小時候媽媽常常都會做這個飯給我做早餐, 今日我都自己整來吃先, 真的很好味~ 一邊吃, 一邊寫這個post。

材料: 瘦肉絲, 豬腰絲(腎部),蛋, 蔥,乾紅椒粒, 芝麻

淹料: 豉油, 老抽, 糖, 酒, 薑絲, 胡椒粉, 麻油

調味: 鹽, 老抽

做法:

1) 先張瘦肉絲, 豬腰 加入淹料淹半小時以上

2) 用電飯煲煲白飯至熟

3) 加入1入2, 搞拌, 蓋上電飯煲蓋, 焗至熟

4) 加入蛋漿, 蔥, 調味料, 搞拌, 再焗至熟

5) 在面頭灑上 乾紅椒粒, 芝麻, 完成

p.s. 如果有小朋友食的話, 不要加乾紅椒粒

這味菜是我家常常整的一味~ 因為實在太方面, 又好味, 啖啖肉, 沒有骨。又有最愛的栗米汁, 完全是小朋友的至愛哦( p.s. 不要插嘴, 我還是小朋友來的哦!!)

材料: 粟米漿, 龍利柳, 蛋黃, 鹽, 胡椒粉, 百里香

1) 先把龍利柳用廚紙吸乾水份

2) 在面上灑上鹽, 胡椒粉, 百里香,搽上蛋黃

3) 在煎pan上加油, 煎至金黃, 全熟, 拿起備用

4) 加入栗米, 加半罐水, 至滾, 加入少少鹽

5) 張4淋在3上面, 再灑上少少百里香, 完成

今日好慘, o係雪櫃入面只得半隻雞, 同一個椰菜.....  =.=" 無奈

靈光一閃之下, 整手撕雞啦.

part 1

材料: 雞半隻 , 芝麻, 乾紅椒粒

淹料: 鹽, 胡椒粉, 麻油, 醋, 魚露, xo醬

1) 先用水煲熟隻雞, 熟後放於冰水中

2) 去皮, 把肉取出撕成絲狀

3) 加入淹料拌勻, (正常會加埋青瓜絲, 紅蘿白絲, 海蜇) , 在面灑上芝麻,完成

-----------------------------------------------------------------------------------

part b (可不做)

材料: 椰菜, 蒜蓉, 油

4) 椰菜洗淨, 切塊

5) 燒熱鑊 , 落4 乾炒至水份收乾, 拿起

6) 加油入鑊, 落蒜蓉, 加入5, 炒至金黃, 完成

7) 放於part 1 下面就可以了