tony走左後公司又黎兩個新人，1個禮拜2番工叫rain，
另1個遲1日先出現叫oscar，兩個都好似係負責寫野，
rain係主力facebook圖o既文字，oscar係寫雜誌稿，
咦？即係正式請番個編輯？棄用macro？

不過咁又奇怪，之前tony除左寫facebook文字之外，
仲負責埋接訂單送貨，無理由家下請兩條友淨寫字？
rain原來係響知專畢業，即係有少少設計底，
又試下叫佢整facebook圖，我比左個框架佢，
佢都整到，只係美感上未合格，過唔到老闆果關，
最低限度叫做識用photoshop唔洗由零開始教啦，
佢仲話識簡單剪片果d咁，都有可發揮o既潛力，
如果整facebook圖果part佢run順左應該都幾幫得手，
始終佢唔係黎見設計o既，唔應該對佢品質太高要求。

其實外判macro都合作左應該都有超過1年，
交d稿都無乜大問題d客收貨先啦，但係最大問題係，
佢始終都有份正職，唔能夠要求佢準時交貨，
有時d客戶資料send比佢1個禮拜都未交到稿出黎，
但又唔可以怪罪於佢，佢亦唔係正式員工好難卒佢，
無乜約束力，衣家終於正式請番個注場編輯番黎啦。

玩RO除左精煉地獄之外仲有拆卡地獄，
雖然過往拆卡經驗又唔算太惡劣，
平均都幾千萬R幣之內可以拆得甩，
但今晚就用左接近兩億R幣！
50萬1次，1億就即係兩百次架啦，
我記得拆之前人物身上係1億2千幾萬，
咁都可以拆到無晒錢唔比拆要再過數，
跟住再拎多1億，拆到剩6千萬先拆到，
前後加埋即係用左1.6億，拆3百幾次。

其實係拆對插左火槍兵+12名2靈巧靴，
我要比龍火用黎插綠龍卡配阿波羅甲，
ASPD+1同共延-5%，不論火槍兵定綠龍，
卡就唔係好值錢，都係幾百萬買得到，
如果為左張卡而去拆就蝕到入肉啦，
但係唔拆又插唔到綠龍，局住拆啦！
買過第對+12名2靈巧靴？邊有咁易？
貴就唔係好貴，但露天商店都搵唔到，
我係上個禮拜見有人賣呢對3億幾，
即刻買R幣再買，只此1對買完就無啦，
無計啦，對鞋都3億幾，兩億都要拆。

應該出到第6集，無錯呀，我又睇d舊電影，
之前第1集2集應該有睇過，第3集好似未，
嘛，是但啦，反正都係睇特攝唔係睇故事，
係咁耳知道佢講乜就算啦。

趁我媽過來，用投影機黎放netflix電影，
本來係想播新年果陣公司打邊爐播果套，
的士幫我揀o既，但已經完全唔記得叫乜名，
果套特技飛車爆炸槍戰打鬥樣樣有，
仲要幾乎由頭打到尾無冷場，官能刺激正！
我估個名乜野諜乜野狙擊之類，但搵唔到，
所以播變形金鋼4，呢套特別在有響香港拍，
身為香港人點都要睇下，雖然香港戲份唔多。

今集故事講到美國政府勾結狂派去清理博派，
講番人類主角度，男主係個窮鬼科學家，
周圍執d爛銅爛鐵番黎發明d無乜用o既機器，
佢仲有個女，個女嫌老豆無用仲瞞住佢拍拖，
某日執左架柯柏文番去，佢維修完之後，
比佢老友報寸call美國政府黎消滅柯柏文，
個女條仔過黎救駕，條仔係賽車手，
當然佢地走得甩，不過報寸條友都瓜左，
畫面又轉到1家類似蘋果o既大型企業，
企業總裁都令人聯想起喬布斯(就叫佢喬布斯)
佢地貌似掌握左變形金鋼o既科技生產機械人，
因為人類主角查出呢間企業有古怪，
咁博派就產上佢地總部，又展開追車戰，
佢地都生產到部翻版柯柏文出黎，
但係呢個翻版柯柏文其實係麥家登轉生，
佢地只係拎左麥家登o既腦殘械去改造，
跟住狂派又派大型飛船捉走柯柏文，
意外捉埋條女入去，主角1行人闖入飛船救人，
佢地見到美國政府d人同狂派交收唔知d乜野，
佢地覺得要搶番呢舊野，唔係就好大獲，
喬布斯帶住呢舊野去中國廠房果邊傾生意，
咁主角1行人又飛到中國果邊，又勸喬布斯，
呢舊野唔要得，喬布斯居然懸崖勒馬變好人，
帶住果舊野走黎走去避過美國政府追捕，
去到呢度先有香港場景，喬布斯同主角會合，
跟住又係打1輪啦，最後又係邪不能勝正，
大團完，1大班香港警察望住主角同博派金鋼，
中國女特務(?)又突然愛上左喬布斯，完。

因香港疫情之下，已經幾個月無出過旺角，
難得今日又比較早收工，又無落雨，
放工就出旺角，lunch都o禁定1千蚊放銀包，
呢個做法係正確，星際對面間恆生落晒閘，
唔排除其他ATM可能都係咁，如果係o既話，
身無分文就真係叫地不聞，得個行字。

答1A響士油街落車即刻去食個KFC先啦！
晚市堂食只係到10點，唔似以前咁free，
兜完轉信和再食都仲得，衣家食左先兜。

連信和都要量體溫，兩部體溫機兩個實Q，
入到去想買隻figma436，即係6號，
出果排無買到遲D就好難可以買番，
不過都係唔見有，蠢左，應該行現時點先，
果邊d figma應該齊D，不過早收過信和，
當時鐘數趕到去恐怕都收埋兩邊都唔洗行，
行到2樓扶手廁所位見到間模型舖執左，
即係廚窗有lighting姐、豪鬼模型果間野，
我又再落番1樓確認下會唔會響1樓果度，
唔係丫，1樓廁所位果間係party玩具店，
即係賣d table game呀層層疊果d，
唉，以前都幫襯過果間，咁又執左1間。

落旺角仲有兩個主線任務，1係買G304，
無錯，屋企果隻G304巨集滑鼠仲好地地，
呢個係買定做後備，唔係到壞左先去買，
因為1般電腦舖都無賣，只有賣d貴價貨，
G304係無線黎講最平o既形號，亦幾好用，
見間舖仲有賣紫外光UV消毒筆(?)又買1枝，
雖然尋日都響何里活買左個UV消毒蓋(?)
兩個都係分別買400蚊左右。

另1個主線任就係買口罩帶(?)，
長期帶1般ear loop口罩隻耳仔會好痛，
head loop口罩又唔見有人賣，
旺角算係最多1般商店買唔到o既野，
諗住睇d格仔舖會唔會有，點知行經藥房，
問下有無賣，就比我搵到，仲好平，
10蚊定20蚊1條，我買3條！

再落信和過少少o既特賣場買多枝腳架，
渣住咁大碌野行動不便就回程啦，
廢事比人誤會係藏有攻擊性武器啦。

3月果陣新居部hp電腦壞左開機入唔到window，
跟住就買左衣家用緊呢部新o既acer電腦，
但係壞果部hp電腦仍然未掉，都未backup資料，
1直都諗住會唔會某1日可以救得番d資料，
當時壞左都試過入番window，只係無把握機會，
好好backup翻d重要野，例如日誌啦，
所以就覺得總會再次入番window，
再唔係搵第部電腦插番個harddisk都有可能得。

兩個禮拜前已經8百蚊買多個mon以作準備，
加上玩RO又打到王卡，覺得運氣到！
就80蚊買多個keybroad，趁住個運勢，
插翻部壞hp電腦開機，哇真係入到window呀！
拿拿林拆條USB手指隊落去抄翻晒d資料啦！
第1件事就係抄日誌，對我黎講係最珍貴o既野，
好似搵翻自己d記憶咁，2016至2019年無白過！
當然對其他人而言我o既日誌係1文不值啦。

明明日誌o既file只係純文字檔為主但都抄好耐，
睇住個進度條好緊張驚中途突然又壞機抄唔到，
好在順利過渡，容量咁細都抄左兩分幾鐘，
跟住再抄翻比較次要o既野，例如圖片啦、
之前download左仲未睇晒o既幾套動畫啦等，
有驚無險抄左兩粒鐘左右隻32Gb手指都無晒位，
仲有d野未backup架，不過相對黎講無咁重要。

其實部所謂壞o既hp電腦好似仲可以再正常運作，
不過因為之前試過大死機，用起黎無晒安全感，
相比起新呢部acer電腦，舊果部開機真係好慢！
慢到令我都唔多相信乜以前日日都係咁慢咩？
仲要係開機之後再等多1段時間桌面先出icon，
但係當我開翻d文作夾出黎，果種熟悉感，
係好似尋日都係對住呢堆檔案咁，明明半年無見，
係呀，3月壞機到衣家9月咪差唔多半年囉。

筆記1下，係Kingston有蓋白身紅尾32Gb手指，
廢事第日唔記得係邊隻打邊隻。