北角呢頭超多食店，要係呢度站得住腳，當然要有D看家本領!

呢間潮式小館，除咗打冷，仲有粵式菜式供應，食緊滷水鵝嘅同時亦可以有金銀蛋浸時菜，靈活性相當高。

溏心蛋就食得多，加埋酒又係點呢?!  呢客醉香溏心蛋 ($32)，溏心蛋樣出晒黎，口感creamy，但多一份酒香味。

食潮州嘢點可以無滷水鵝?!  原本想食得輕鬆要鵝片嘅，但阿姐話有骨會香D，於是就有呢碟雙拼 : 滷水鵝件 (有骨)拼墨魚 ($158)

有幾件滷水豆腐墊底，好軟滑; 墨魚片帶點厚度食起黎有口感，一D都唔係食緊香口膠，點D潮式辣油仲正; 鵝件食起黎比較韌，對於唔鍾意"啜"骨嘅我，都係鵝片好D啦!

呢客花雕慢煮醉鵝肝 ($128)超級推介，唔係好多地方食得到，入口有鵝肝嘅香味，綿滑無筋，亦有花雕嘅酒香味道，個餘味甚持久，無膩感。

總結呢間潮州菜小館出品唔錯，行開呢頭都會再幫襯!

#打冷 #food #foodie #ublog #潮州菜 #北角 #太平飯店 #小館 #滷水 #香港美食

contact me : [email protected]

行經呢頭心血來潮想食泰菜，就撞岩呢間，係門口望下餐牌無論價錢/食物選擇都岩心水，亦都無限你用餐時間，就拉門入去

食泰國菜，呢客酸辣無骨鳯爪應該都無走鷄，無骨鳯爪爽脆，配上酸辣汁加芹菜，食中辣椒位都真係幾辣，但係辣得又幾過癮喎，。除咗沙律外另一開胃之選!

呢度嘅生菜包出鏡率都幾高，肉類有豬肉/鴨肉，標示選用鮮肉，豬肉就食得多，今晚試下鴨肉生菜包

鴨肉加埋檸檬葉一齊炒，多一份香味，切得幾碎，仲見到有大塊少少嘅鴨皮

用生菜包住食，味道岩岩好，一啖有兩種口感，唔錯唔錯。

呢客泰式燒鷄 (半隻)，份量都頗對眼，上枱後未食已聞到燒香味道，有點酸辣鷄醬比你點黎食

個別鷄件皮燒至焦香，鷄肉咬落都仲有汁，唔會燒到又嚡又乾，空口食都好好味。

店員不繼主動加水，唔會"迫"你叫嘢飲。呢度唔收信用咭，接受現金/咩PAY!

contact me : [email protected]

上到黎呢個商場嘅九樓，向左轉食日本嘢，向右轉食西餐，今晚我哋向左走.................

晚市套餐多款選擇，定食/丼飯炒飯/鍋物都有

以浦燒鰻魚定食 ($148)黎講，呢個價相當抵食，可以要麵豉湯/蟹籽沙律，仲有溫泉蛋/溏心蛋一隻

溏心蛋入口creamy，唔係只係同拉麵夾，送飯都得㗎

主角有兩大段，鰻魚汁另上，鍾意幾多落幾多

鰻魚皮微脆，肉滑，香甜鰻魚汁撈飯一定無得輸，食晒都幾滿足。

呢度嘅石燒出鏡率超高，目測差唔多每枱都有叫，我哋都係其中之一，點咗石燒霜降和牛 ($218)套餐

和牛切成中等厚度，唔係薄片，脂肪比例可以，肉色都幾吸引，份量都唔少喎

先用牛脂粒在熱石上化成牛油，然後就可以開始燒肉仔啦

生熟程度除你歡喜，自己偏好每邊燒至轉色就食

三款調味比你選擇，簡單D點少少鹽，肉質帶少少嚼口，肉味都出，燒肉加白飯，夢幻組合是也^^

多款小食中，比呢客日式炸鷄 ($78)吸引住，有4-5件，唔細件架，炸至金黃色，未食都FEEL到股熱氣

超級熱辣辣，炸物梗係要熱食!  點埋個芥末沙律醬，微辛辣味道，外皮香脆，鷄肉一D都唔嚡乾!  餐飲黎一杯可樂配食..............爽爆呀!!

#food #foodie #foodpic #tasty #hkig #foodpics #yummy #ulog #dinner #foodblogger  #MK #japan

contact me : [email protected]

川菜幾時係香港變得咁受歡迎?!  要係呢區搵川菜食絶對多選擇，今晚呢間係由駐銅鑼灣扮工人士帶我去嘅

主打冷盤/香鍋/海鮮類/小炒等川式食物，仲有午市套餐供應

先叫個冷盤食下先，呢客藤香鷄 ($66)，賣相似醉鷄，分別在於鷄件上有條藤椒

鷄皮下無多餘脂肪，食得健康; 鷄肉嫩口，調味入晒鷄肉入面，食到藤椒嘅香味但唔辣嘅，食時可以再沾多D汁先食，提升爽麻風味，仲好味道!

主角金湯酸菜魚 ($188)出場，呢客足夠2-3人食，辣度除你喜歡，要咗小辣。

材料都幾豐富，除咗主角，選用鱸魚，仲有酸辣粉條，咸酸菜，菇菌類等

魚肉超嫩滑，食唔到細骨，配以酸菜一齊食真係好正!  見湯底唔算太油膩，飲咗幾啖湯，酸辣度好岩胃口，下次可以挑戰中辣!

成客連埋酸辣粉條都食晒，口感煙韌，最佳拍擋~

濃味有菜又有肉係呢客回鍋肉 ($78)

惹味醬汁將椰菜炒得爽甜有口感，仲有辣椒同蔥段，顏色配搭紅黃綠都有D

豬肉係切成薄片，少少肥膏位，調味得唔錯，用黎送飯真係咪講笑，KO一碗絶對無難度，係偷飯賊黎架!

叫罐可樂一齊飲，爽呀!!

今餐呢餐川菜食得人滿足，侍應招呼有禮，卡位都坐得舒服，價錢合埋，可以回頭喎!

#food #foodie #foodpic #tasty #hkig #foodpics #yummy #ublog #dinner #foodblogger  #CWB #川菜 #酸菜魚

contact me : [email protected]

咩都有關注組，連紫色都有，今晚呢間Cafe打正旗號叫Purple

拉開門入內，哇.......紫色主題佈置，門口呢個吊椅位絶對要打咭囉，大家齊齊化身紫霞仙子 (哈..哈)

天花都以紫色乾花裝飾，無半點欺場

呢度提供小食/主菜/甜品及特色飲品，影完相就係咁紫色嘅環境下等待開餐

日式西餐常出現嘅蟹柳明太子意粉 ($118)，碟邊舖上少少木魚碎及頂部嘅紫菜碎，日系感培增

明太子混入係意粉中，又唔會過咸喎，蟹柳嘅甜味與整客醬汁味道係夾嘅，扁意粉有口感，份量都幾足!

另一客係大蝦蕃茄意粉 ($148)，賣相顏色頗吸引

加入洋蔥，蒜粒茄汁一齊炒，味道酸甜令人開胃; 蝦肉較為淡口及少，不過單食意粉都唔錯嘅!

配合主題，呢杯鮮奶咖啡 ($42)隻杯都係紫色，頗精緻，奶泡上灑上紫薯粉作圖案，增加少少甜度，入口幾香咖啡味，呷幾口飲晒!

呢類主題餐廳打咭影相無難度，應該滿足到一班"紫民"嘅要求!

#food #foodie #foodpic #tasty #hkig #foodpics #yummy #blog #dinner #foodblogger  #purple #cafe

contact me : [email protected]