啱啱早個幾兩個鐘頭前俾個電話嘈醒咗，開頭都諗住唔聽，但都要望一望睇吓係邊個先可再做決定，萬一係

屋企人咁點算呀！一睇之下原來係阿May，咁唔聽唔得嘞，因為以阿May性格如果唔係有緊要事佢都唔會咁夜打電

話去嘈醒人，所以最後我聽咗，原來佢收工返到屋企唔見個大女所以佢就打嚟睇吓我尋晚有無上過去同佢大女傾

過，佢擔心個大女因為唔開心而走咗出去，但我尋晚無上過去，因為我諗住今晚先上，開頭我唔知咩事，仲以為

佢係想知尋晚傾成點！誰不知原來係因為佢收工返到屋企唔見緊個大嘅，打佢手提又唔通，真係俾佢激死•••

就係咁聽完個電話之後我就無再瞓嘞，喺收線之前阿May佢都叫我瞓，但我又點會瞓得著吖！收線之後我試吓打佢

個女(家姐)手提真係打唔通難怪阿May佢咁擔心，因為我地根本唔知家姐佢係有心熄電話還是係家姐佢出咗咩事。

其實喺呢兩日裡面我睇到好多嘢，仲係睇到好耐以前嘅嘢，喺呢一刻我終於都感受到以前媽咪佢對住我咁嘅女係

有幾辛苦啦！雖然我個女兩歲都未到仲係好細，但時間真係眨吓眼就過格啦，依家我已經開始驚緊第時阿B大個

咗會唔會好似我以前咁呢！但點都好我都唔會好似基仔咁講話放生就放生，真係咁易就好呀！講真•••有邊個

做父母會放生自己啲小朋友架，而唔盡力去幫佢吖？都唔明佢諗乜架•••



                                    

     今日我好唔開心，原本今日應承咗媽咪同佢一齊過天水圍抺屋，因為基仔今日唔

  駛開工，但係點知•••總之就辛苦咗媽咪成日仲悶咗阿B成日，我都唔知點做人個

  女！亦唔識做人媽咪！一起身望個鐘已經4點幾咪即刻叫基仔起身囉，佢一開眼就問

  我依家幾點，跟住“妖”咗聲就【砰砰嘭嘭】去沖涼，嗰一刻我好無奈！記得我曾經

  同佢講過唔好成日一起身就黑口黑面，咁樣我會好辛苦唔知以為我做錯嘢激親佢，佢

  曾經真係無再咁，但呢一排又再係咁，我真係好辛苦，今日終於又再嗌交啦，我地好

  耐無嗌交啦，估唔到一嗌就嗌到咁激！攪到我差啲又想發顛反轉間屋，好彩仲禁我住

  ，如果唔係我諗又會好大鑊嘞！其實我同基仔一齊都好多年大既八年有多，人地話兩

  個人喺埋一齊係一件好唔容易嘅事，兩人應該互相體諒，有事就互相商討；而唔係互

  相埋怨；互相指責但講真又有幾多人真係可以做到吖！兩個唔同嘅個體、兩個唔同嘅

  性格更本就好難話會做到事事商討唔會嗌交！每當有問題出現時，雙方只會講啲好難

  聽嘅說話而去傷害對方，極小會好好咁坐低傾，今日我就聽咗好多好難聽嘅說話，令

  到我開始發覺原來我一路都係佢嘅負累無令佢好過，令我知道其實我係一個《包袱》

     夜晚我同基仔仲有媽咪同阿B一齊過咗市中心食飯，為咗唔想媽咪擔心我成晚都裝
 
  作無嘢，亦無發過任何脾氣，食飽飯走嘅時候我地經過啲俾小朋友坐嘅機就諗起今日

  阿B一定悶咗成日，天水圍間屋乜都無得俾佢玩仲要陪住婆婆成日喺到抺屋，所以就

  問基仔有無碎銀我想同阿B坐車車，佢俾完我之後我就同阿B坐《叮噹》嘞，不過原來

  《叮噹》係搖得俾《火車頭》勁啲架，好彩阿B只係開頭驚咗一驚之後佢仲不知坐得

  幾開心，見到佢咁開心就好啦，今日佢悶咗咁耐就當係補償返小小嚟氹佢開心，如果

  唔係我唔知醒咁就唔駛辛苦媽咪同阿B啦！