今日我好開心呀！因為二哥佢今日終於都入嚟屯門同我地食飯啦，其實我喺

上星期已經一早約咗二哥叫佢帶埋阿嫂同B女一齊入嚟食飯，因為我發覺佢地成

家都好似好耐無入過嚟屯門同媽咪食飯啦，而且又好耐無見過二哥個女B女，真

有D掛住B女呀！不過今日終於都可以俾我見到二哥個B女變成點嘞。起初同媽咪

講話二哥今日會入嚟食飯，但媽咪好平淡咁話《到時先算》啦，係咪真係入嚟

都未知！咁我唯有哦一聲應咗咪算囉！可能因為二哥成日都甩底啦，攪到媽咪同

基仔都唔太信二哥真係會入嚟屯門食飯，但唔知點解今次我相信二哥一定會入嚟

可能因為佢話想打邊爐，仲話會買隻醉雞入嚟打叫我唔駛買咁多嘢，慨然二哥都

講到咁肯定我無理唔信架，除非佢無咁肯定，如果無咁肯定我就會唔信，不過我

今日真係好開心，因為好耐都未試過一家人一齊食飯啦，呢晚連小B都入埋嚟，

以前小B仲好細嘅時候媽咪好錫佢架，所以媽咪今日都好開心，見到粒孫之餘仲

見到小B，想唔開心都唔得啦，二哥仲夾嘢食俾媽咪，總之我大家都有夾嘢食俾

大家，佢又夾俾佢佢又夾俾佢，食飽飯二哥同我都坐到十點幾先走，無話一食

完就走人，二哥個B女大個咗好多，仲識行得好快，不過有樣唔好！就係好惡，

仲會扯人頭髮，不過一見B女個樣越嚟越似二哥就知有返咁上下啦。唔知係咪因

阿B大個咗呢？記得上一之B女入到嚟阿B佢有小小爭寵架，但今次無仲成日同B

女玩，又肯俾玩具佢玩呀，可能佢知道自己大過B女啦，所以就咁做，不過點都

好，真係好開心、好溫馨^^唔知幾時會再有返呢D感覺呢？不過我相信應該唔會

等得好耐啫。

    今日我帶咗媽咪同阿B去咗黃埔花園，因為睇貓狗鬥一番今日係最後一日，

我知道媽咪同阿B都會幾鍾意睇，所以我咪特登帶佢地去睇囉，起初諗住同佢地

睇十二點半嗰場，但因為要同媽咪、阿B佢地食嘢，所以就趕唔切睇呢場就轉咗

睇兩點半，食飽之後我地就去咗行街睇嘢，但無買任何嘢淨係買咗盒『勁』細

嘅蘋果仔，因為媽咪同阿B都唔夠力咬爽嘅蘋果，所以咪要食粉嘅蘋果囉！行到

咁上下我叫媽咪繼續同阿B睇住嘢先，而我就去搵個靚位置睇show，但媽咪話唔

駛，就係咁我地就繼續行街睇嘢，行到咁上下我望一望錶見差唔多夠鐘咪叫媽

咪一齊行咗上去先，上到船景街先知落雨，不過好彩落雨都有得睇啫，如果唔

係我相信媽咪都會有小小失望，阿B仲細就話唔知羊事，跟住我就行快兩步去商

場搵個好位，場show因為落雨要轉位置而且要再set過機，所以攪到遲咗開show

咁阿B又無乜耐性，所以企企吓佢都發哂『抆』係咁喺到扭計，攪到我都差D發

脾氣想唔睇就走，但好彩我仲忍我到，如果唔係就大件事啦！ 等咗半個鐘唔夠

《貓狗鬥一番》終於都開始啦，阿B一邊睇一邊拍哂手掌咁嗌『好嘢！好嘢！』

真係俾佢笑死我，今次同佢地出嚟睇，係因為我見平日好小同媽咪、阿B佢地兩

個去D咩地方，又知佢地又會鐘意睇，所以咪扮吓做乖乖女同好媽咪囉！^^今次

出街都無咩唔開心，只係阿B因扭眼瞓而扭吓計咁啫。場『貓狗鬥一番』真係幾

好睇，今次都係第一次見到D貓好似狗咁表演仲要係一齊喎，原本想拍短片俾基

仔同阿恩睇，但可惜我隻手要俾阿B坐，所以就... ...不過唔緊要啦，今日都

幾開心嘅，我覺得 ^=^