唉~又好幾日無打日諗啦,想打返之前嘅事但又未必記得咁清楚,唯獨最清楚嘅咪

  之前老豆話約我飲茶,仲諗住可以問老豆一啲我想知嘅問題,但可惜到最後呢餐荼都

  係飲成,不過唔緊要啦!咪當我未係時候知,所以先會咁啫,下次我反約返老豆飲茶先

  再問啦,【記得嘅話】

     尋日晏晝帶咗阿B出“市中心”同佢契媽(阿恩)一齊食嘢,阿B一見到契媽就連我

  都唔理,自己行過去契媽到,真係俾佢激死,又係咁要契媽抱喎,我話契媽攰呀,媽咪抱

  吖係都唔得,我地食飽嘢行咗陣街之後就散啦,如果唔係因為阿B眼瞓,我諗我地可能會

  行多陣,話時話吖...我同阿恩都好耐無一齊出嚟食嘢行街啦,佢又忙我又忙再加上一

  個屯門一個天水圍有時真係好難就嘅,希望遲吓我地搬埋入天水圍時會多返啲約會啦!

                  『珍惜每一刻』


                   

     今日原本諗住跟基仔車,因為今日係我地兩個人嘅結婚兩週年,我仲一早同

  媽咪講話我星期一唔得閒睇阿B,等佢唔好失預算,但點知我今日全日都喺屋企

  咁基仔都有叫得等埋佢一齊先食飯,但我話唔駛啫,見佢聽日又要一早起身幫佢

  朋友富仔搬嘢再加上今日又開咗成日工已經好辛苦,算啦,唯有再等下一年啦,

  如果下年再係咁先再同佢算賬.更何況今年又咁多嘢攪,又要搬屋裝修,明嘅~