今晚嘅心情有啲零亂唔知點好,因為老豆今日打嚟搵我聽日一齊飲茶,

  無諗過老豆會因為嗰晚嘅事而真係搵我飲茶,聽完電話嗰一刻我喺到諗,

  老豆搵我飲茶究竟係因為家姐先搵我,定係真係想同我飲茶吖,由細到大

  都未見過老豆會咁對我,今晚我諗我有排都未瞓得著,唔知聽日老豆會唔

  會叫埋其他人一齊飲,還是只得我同佢呢? 聽日餐茶唔知會飲成點呢?

                    

    今日好開心呀,因為阿B開心所以我咪開心囉,不過最大工勞都係阿B契媽NIKO

  因為係佢帶咗阿B去公園玩,今次仲要係阿B第一次去公園玩滑梯同小型迷宮,今日

  順路過開去天水圍咪打俾阿恩睇吓佢喺唔喺屋企,喺嘅咪帶阿B俾佢見吓,又或者

  俾阿B見吓契媽,而且我又要去屋企附近啲幼稚園睇吓係咪收新生,如果係我要睇

  埋我個女係咪可以報讀,阿恩見我仲要睇嘢,所以就帶阿B去公園玩住等我.

    去到屋企留下間幼稚園之後,我問個Miss係咪收2010年嘅新生,佢話係根住就問

  阿B幾年出世,如果2008年出世嘅就報唔到,要等多一年先可以報,我問點解?個Miss

  話因為阿B係1月出世所以阿B係會大啲先讀書,咁我再問佢鴿咪間間幼稚園都係用

  一年制,佢又話多數係,但又唔肯定係咪喎.聽完佢咁答,我只好問多幾間先再決定

  睇完幼稚園我就公園搵阿B佢地,行到過去就見到阿恩抱住阿B預備一齊滑落去嘞,

  離遠叫阿B佢聽到就周圍望,但就成日都搵唔到邊到叫佢,我去到原本都想同阿B一

  齊玩滑梯,但我真係有啲攰,呢幾日都早起身,又唔夠瞓,所有呢個任務就阿恩幫我

  做咗,之後我就同阿恩同埋阿B一齊玩小型迷宮,阿恩喺一邊叫完佢,我就再喺另一

  邊叫佢,到佢行緊埋嚟時,我地就會匿埋,行去另一個位再叫佢,開頭阿B都玩得開心

  ,但後來佢開始攰啦,就想人抱,人地唔抱就係咁攬實人對腳,要人抱佢為止,教佢講

  "抱抱"佢又唔很開口,但見到佢個樣咁攰又唔係咁忍心唔抱佢,唉~以前成日聽人講

  "做人父母甚艱難"細個時會諗有幾難,依家終於都知道有幾難啦,原來真係好難...

  不過今次真係麻煩咗我個Friend,要佢幫我抱阿B玩滑梯,不過我睇阿恩佢都同阿B

  一樣玩得都幾開心吖,下次一定要提佢帶相機先得.