唔知點解今日有D胡思亂想,平時基仔夜晚收咗工就會返，不過今晚佢

  有約，係阿偉約咗佢，其實早兩日已經打過一次嚟，話係Amy生日所以叫埋

  佢出去，雖然個來電係阿偉打嚟，但同基仔講電話嘅唔係阿偉而係Amy,我無

  心偷聽，只係因為基仔佢自己將部電話較得太大聲，所以我先聽得咁清楚，

  嗰晚係《星期六》第二日唔駛盟工佢無出，但反而今晚平日聽日仲要開工先出，

  真係諗唔明點解，更何況Amy嘅生日都已經過咗啦，難道今晚又生日？基仔仲

  要係好晏先同我講,佢一打嚟就話；「老婆，我今晚去飲嘢呀！」我聽完之

  後緊會問同邊個？佢話同阿偉,我再問「仲有呢？」佢先再講仲有Amy如果我

  唔再問嘅，佢唔駛講啦！就算佢講完有女仔，我都唔會唔俾佢去，佢知架，點解

  唔直接同我講喎，買完嘢返到屋企打俾基仔同佢講聲已經安全到步，但《心血來

  潮》突然問咗佢一句「你無諗住帶我去架？」佢聽完之後聲都變埋，好似唔多高

  興咁反問返我「咁你有無諗住去吖？」聽見佢把聲咁我咪笑住咁話「問吓啫！」

  唔駛咁喎，跟住佢就話要做嘢唔講住，就咁就收咗線嘞，問心吖；咁耐以嚟佢有

  邊次話要同朋友去飲嘢我會唔俾吖，但相反如果我要去街就要等佢‘審批’一但

  佢收工，就算我啱啱先開始行街都好，佢都唔會理，照樣要嚟接我一齊返屋企，

  我想行耐D都唔得！有好多時我只係喺朋友屋企傾吓心事，就連櫈都未坐暖，佢

  就打嚟叫我行嘞，當時我好無耐，就連我朋友都好無耐地對我笑咗一笑•其實我

  有陣時會諗，點解啱啱同佢一齊嘅時候，佢去邊都一定要我陪佢去，就算我話唔

  想去，佢都一定要我去，再過咗一段時間後我同佢講我好清楚點解我唔想去嘅原

  因之後，自此佢要同朋友去邊都好都會問我去唔去，我話唔去佢都唔會勉強我，

  但唔知由幾時開始，佢已經唔再係用問嘅“形式”而轉咗用“知會”我一聲嘅形

  式嚟同我講，其實咁又唔可以完全怪哂佢，我自己都要負返D責任，如果當初唔係

  我自己成日話唔想去，咁佢都唔會咁啦！都係我自己一手做成••••••

      唔知點解我個心成日形住基仔有D估怪咁，依家連電話都無人聽，唉吧啦！我同

   佢之間已經越嚟越小話題嘞！依家已經兩點半啦••••••


          『唔知佢今晚幾點返呢？唔知今晚佢又會唔會返呢？』


                       
 

     今日我好唔開心,因為我大慨養咗7~8年嘅狗秀秀佢死咗,我成晚都好唔開心

  亦無乜點出聲,秀秀佢都幾大年紀啦,我養佢之前已經有人養緊,不過我最唔開心

  嘅係因為我喺未生阿B之前都仲會成日同秀秀玩,但生咗阿B之後就小咗好多同佢

  玩,我發覺我都要負返小小責任,因為我無再好似以前咁陪佢,喺到我好想同秀秀

  講聲【對唔住】希望佢唔會嬲我啦!

                
                  『好唔開心的一天』