仲有三日就係阿B嘅兩歲生日啦！其實我喺好早之前已經諗緊點同阿B慶祝

好，又諗定同佢去邊到玩佢會開心D，但我諗咗咁耐...諗來諗去都係覺得同佢

去海洋公園佢會好開心，因為有好多魚魚俾佢睇，又有雀仔俾佢睇，咁佢又點

會唔開心先得架，上一年佢一歲生日我同佢去咗Disney覺得選錯咗，事關佢無

嘢啱玩，而且佢仲咁細根本就無咩係俾到佢玩，但今年佢兩歲啦佢亦識去睇好

多嘢，例如佢會知道邊D係魚魚邊D係雀雀咁樣我會覺得佢會好開心同埋會係咁

嘩~嘩~咁嗌，如果依家我唔襯佢仲細細個同佢一齊過生日嘅話，相信遲吓佢大

個女之後就好難會陪到佢一齊過啦！因為我以前都係咁嘛，更何況依家嘅年輕

人又點會生日唔同班朋友去慶祝先得架，所以我仲唔襯依家陪得就陪呀，不過

我另外又擔心一件事，就係唔知到25號嗰日會唔會有人陪我同阿B一齊去呢，我

知道如果要基仔專登去請假唔返工而去陪個女去慶祝的話，佢一定唔會，因為咁

佢會收入小咗，再加上下個月就係新年啦，如果呢個月仲唔努力啲下個月都唔知

點算！所以就係呢個原因相信基仔係唔會喺嗰日休息，不過唔緊要啦，最緊要佢

唔駛煩咁多嘢咁就唔會成日無嚟心機又唔會黑埋臉咪OK囉，起碼佢對住個女都會

笑吓嘛，唔通要個女成日見到個唔笑嘅老豆好咩？  唉~仲係十五十六唔知點好，

如果得我自己一個又怕攪佢唔掂，如果去又唔知帶唔帶車仔好，好懊惱呀...點

算好呀！！！

    今日係2009年12月31日，聽日就係新一年嘅開始，好多人都會襯今晚

元旦出去慶祝同倒數，但今晚就只有我同阿B兩個慶祝，因為基仔要開夜，

而阿媽就去咗游冬泳『乾水』嗰隻，仲同我講定會通頂，起初我仲諗住等

阿媽返咗屋企之後我就極速返虎地陪基仔，等佢開心吓都好，不過依家就

無得咁做啦，無理由為咗自己而令到阿媽唔開心格，更何況阿媽幫我湊住

阿B已經邊到都無得去嘞，好辛苦架我知道，阿B又唔係輕磅喎！揹住佢都

幾係架，唔好話阿媽老辛苦吖，就連我後生阿媽一半咁揹住阿B行街都氣

喘啦，冬天抱住阿B行街仲可以就咁著短袖衫唔駛著褸都得呀，我都試過

兩、三次啦，依家都仲未諗到同阿B去邊好，今日又凍又落雨得我都唔知

點湊佢出去好，唉~今晚先再諗啦！話哂今年都係我同阿B第一年二人世界

嘅元旦嘛。