今日我有啲唔係咁開心，因為今日諗住女一心一意咁同個女去買件

褸，之前已經睇啱但因為基仔怕買咗返去唔啱阿 B著，所以係都要我平

日先自己再帶阿 B去買，眼見件褸都叫抵買，而且仲好輕身，話係羽絨

但一啲都唔厚仲好薄，完全唔似龜殼咁，所以我勁想買俾阿 B著，下星

期仲話會好凍吓，阿 B件羽絨已經唔啱著啦，佢又無乜厚身小小嘅褸先

怕佢會凍親，我上次已經同基仔話怕下次先去買已經賣哂嘞，點知去到

時真係已經買哂，我仲未放棄架，緊係走去問吓啲售貨員佢地公司有無

分店，如果有緊係走去分店買啦，但好可惜......竟然連分店都賣哂，

嗰一刻我其實有啲唔開心，因為我買唔到件褸俾阿 B，但最後我點都買

件企領衫俾佢著、同一件褸仔，仲係佢自己選擇架，俾兩件衫佢選嗰刻

我覺得阿 B佢好得意，佢真係好似我地大人咁左望吓右望吓先決定要邊

件，雖然係就係唔開心，但最起碼阿 B咪得囉。

    早兩日收到個唔好嘅消息，係關於基仔住喺澳門個婆婆，起初聽到嘅

只係話婆婆入咗醫院幾日，但三個小時唔夠竟然變成婆婆走咗，電話入面

好明顯聽得出奶奶佢好心急咁趕緊去搭船過澳門，聽到呢個消息嗰一刻，

真係整個人呆一呆乜嘢反應無淨係識眼定定咁望實基仔，因為我知道當佢

一聽到呢個消息一定好心酸，因為佢係好錫婆婆架，雖然外表好似唔緊唔

緊，但個心不知幾掛 ...其實咁樣我反而覺得係件好事，婆婆都咁大年紀

唔通仲要佢咁辛苦咩，講又講唔到、每逄冬天婆婆氣管都會好唔舒服好辛

苦，因為之前做完手術，所以喺喉嚨個位到有個氣孔係幫助呼吸，就係呢

個原因所以每逄天氣一轉又或者空氣差嘅時候，婆婆就會係咁咳，若然要

一個老人家咁辛苦又於心何忍呢... ...