今日係我返電腦課程嘅第一晚，心情有啲緊張！唔知係咪因為太耐

無返過學呢？硬係好似唔知點咁，又驚去到課室時全班最老會係我喎！

又怕自己會讀唔掂！返仁愛堂前半個鐘左右自己都有小小猶豫返唔返好

但如果唔返我知我會對自己好失望，所以到最後我都有返，不過今堂我

覺得比較悶咗小小，因為今堂講嘅有好多我都算識係有小部份我就唔識

嘞，但我相信由下一堂開始我就要留心啲啦，因為下一堂開始有好多嘢

我都未必識，雖然我個心係諗住學多少少嘢，但喺我背後依然有某啲人

話我乜話我乜，不過無所謂，因為我唔需要去理會佢地講乜只要做好自

己想做嘅事咪算囉！

    『努力！！加油！！我一定要俾心機。』

    今日我好開心，因為終於都幫阿 B搵到幼稚園，不過我諗今日最開心嘅

應該唔係我而係阿 B先啱，尋晚已經同佢講叫佢乖乖地早啲瞓如果唔係聽日

唔同佢去學校，每次阿 B佢一聽到我咁講就會話『唔好呀！』根住佢就會乖

乖地咁聽話，心入面喺到諗：『唔知係咪因為佢仲細，所以覺得返學呢樣嘢

好似好新鮮好好玩咁，遲啲到佢再大啲唔知會唔會倒返轉反而唔鍾意返學呢

！希望唔會啦•••』

    面試時間差唔多仲有成個鐘先到，但阿媽就問我不如早啲同阿 B去幼稚

園面試，好唔好？點解呢？原來同阿 B佢食飽晏之後個衰女包就開始眼瞓，

見到佢對眼開始越嚟越細時唯有早小小同佢去啦，廢事一陣佢瞓著無耐時又

叫醒佢，佢一定心情欠佳到時面試仲得了嘅！再望一望時間都唔係早咗好多

啫，應該無咩問題嘅；當我地行到差唔多幼稚園樓下時，阿 B突然話：『返

學睇書書，返學睇書書。』我望住佢反問：『好唔好呀？』佢好開心話『好』

根住最令我意外嘅係阿 B佢竟然仲記得間幼稚園喺邊到，因為大慨仲有唔夠

十步左右阿 B一見到就指住個門口話『返學睇書書』之前我都係帶佢嚟過一

次咋，事隔兩、三個月左右再嚟，就連到都未到佢就已經指住個門口話返學

，嗰一刻我諗會唔會因為上次嚟嘅時候咁啱有班小朋友係遊戲時間所以就上

咗天台玩嘞，可能因為咁阿 B就以為返學係玩，所以就咁想返學！希望佢唔

係咁諗啦，如果唔係我怕佢遲啲大個會唔鐘意返學呀！！

    上到去見校長時阿 B佢一路都表現得幾好，不但無亂咁走仲好乖咁坐喺

到玩玩具，只係間中有一次、半次咁行埋我到講兩句，當我同校長差唔多傾

完時咁啱有班高班嘅小朋友上音樂堂唱歌仔，而阿 B一聽見就好快咁行到門

前想睇，但點知唔夠高於是咪幫佢開門等佢可以睇得無咁辛苦，阿 B佢好乖

咁無騷擾到啲哥哥姐姐，而且仲好大胆咁行埋去同班哥哥姐姐一齊坐喺到唱

歌，一邊望人點做動作、一邊就學返點做，有個先生見到阿 B咁都話阿 B模

仿力好強，而且仲唔怕陌生都算幾好；聽到位先生咁講都有啲開心架，不過

有好多嘢都係要等到返咗學之後先知道阿 B佢係咪真係可以做到咁•••