今日一早就起咗身，見咁早起咗身不如同阿 B落街食吓早餐都好喎，
感覺上我好似好耐無同佢一齊食早餐嘞，於是我就約埋媽咪一齊去大快活
度食早餐，去到食咗一陣早餐發覺阿 B好似周身唔自在咁，原來佢無飲到
朝早支奶奶就好似唔知點咁，最衰都係我啦，如果唔係我要同佢落街食早
餐咁阿 B佢咪唔會無咗支奶奶囉！之後我同阿 B講話等一陣食完早餐同佢
買埋衫仔就返屋企開返支奶奶俾佢飲問佢好唔好？阿 B佢好快就答『好』
同阿 B行行吓發覺佢開始眼瞓啦，於是好快同佢買完衫褲就返屋企同佢瞓
多陣等晏啲先再同佢行吓街，因為今日我陪唔得佢耐，事關再晏啲五點鍾
我要去牙醫診所到脫牙，所以就同佢去咗市中心食埋嘢，如果唔係我脫完
牙之後就食唔到嘢有排餓呀！食埋嘢差唔多三點幾同阿 B佢坐咗兩次車車
佢不知幾開心，因為佢好耐無坐啦之前啲車車搬咗另一個位擺我又唔知又
搵唔到喺邊，所以咪無同佢坐好耐囉，點知今日咁好彩俾我見返啲車車喎
緊係要同阿 B佢坐啦，坐完之後就同阿媽佢去買嘢；帶佢去到之後為咗唔
好阻住婆婆所以我就帶阿 B佢去食雪糕，一去到食雪糕嗰到佢就不知幾開
心仲同佢影咗張相，不過我發覺阿 B佢影相越嚟越醜怪佢笑到咪起對眼！
同佢食完雪糕睇一睇時間都已經四點幾但阿媽佢仲未返嚟咁我咪打俾佢睇
吓佢買完未，因為我仲要趕住去睇醫生，打完俾媽咪離遠見到佢喺邊咪同
阿 B行定過去等佢囉，等阿媽一俾完錢我就《嘭嘭聲》行人，因為我唔想
咁遲去到診所！當我正趕到天水圍轉輕鐵想打去診所話佢知我趕緊去，點
知診所咁啱又打嚟睇吓我去到未大慨幾耐會到，同診所收線之後我就緊係
再加快步伐趕去啦，去到頌富商場我搵咗好一陣都搵唔到間診所，於是我
就打去問佢間診所大慨位置喺邊，原來我去錯咗應該去第一期先啱，去到
診所個姑娘一見到我就知係我，登記時我同個姑娘講話俾定個心理準備個
醫生我啲牙壊得幾犀利吓，同埋我好怕睇牙醫問吓醫生可唔可以軾手啲，
個姑娘都笑笑口咁問我點解咁怕睇牙醫，其實我都唔知點解由細到大我同
二哥一樣都好怕，今次要嚟睇牙都係因為無得唔睇先去咋，當姑娘叫我個
名一行入醫生房我成個人開始震，醫生見我咁佢問我係驚脫牙定係驚打麻
醉針嗰下？我話兩樣都驚，之後一坐喺脫牙張椅時就打咗個冷震！心諗：
如果呢刻暈咗就好啦，醫生開始同我睇吓隻智慧牙同隻大牙脫唔脫到，之
後仲要照埋 X光睇，睇埋 X光片之後個醫生就問我如果隻大牙啲牙腳難脫
可能要開刀咁做唔做，我諗咗一陣決定唔開住，等我下次做好心理準備先
再開刀，之後就開始打麻醉針第一支嘅時候我都仲忍得住無喊，但到打第
二支嘅時候就已經忍唔到喊咗出嚟，打完兩支之後醫生就叫我沖一沖個口
仲以為打完啦，原來係未打哂架仲有一支要打呢支打喺最入大慨打喺智慧
牙個位置亦係最痛嗰支，好嘞─緊張時刻快到，等咗一陣醫生再檢查多次
睇吓啲麻醉藥夠唔夠先開始脫牙；點知....好不幸麻醉藥唔夠呀，所以醫
生要同我打多支麻醉針！鳴 ...鳴 ...唔制呀又要痛多次！打埋最後一支
麻醉針就開始脫牙喇•••呢段時間我淨係知道醫生好似要幾用力而且脫
同一隻時都要幾吓，個心淨係覺得好恐怖！過咗唔知幾耐終於都攪掂喇！
坐好之後個醫生逐隻牙腳俾返我睇而且仲講埋係邊個位置邊一隻，個醫生
仲俾咗個好消息我，就係可以唔駛開刀脫大牙啲牙腳，因為佢已經幫我攪
掂埋，心諗 ...唔怪得頭先好似製得好辛苦咁啦！雖然唔駛開刀係好，但
一次過脫兩隻牙而且仲係順住咁兩隻，醫生都話咁樣個傷口都比較大，所
以叫我小心啲就一就。其實呢個牙醫都幾好手勢，我連脫兩隻牙都仲可以
打俾基仔講電話，基仔仲話我好得戚佢仲話依家麻醉藥未過咋，睇吓一陣
我仲有無咁得戚。
其實唔數一數都唔知原來我有成十幾年無睇過牙醫喇，由細細個至今
睇咁多次牙醫我諗今次係我脫完牙後最得戚嘅一次，我諗如果第時要再睇
牙醫都好相信我都會再搵返呢個醫生，因為佢俾到信心我佢唔會令到我痛
，今次之後唔知又會到幾時忍無可忍要再睇牙醫呢？
『今次我覺得自己叻咗呀，夠擔自己一個去睇牙醫。^^』
