今日帶咗阿 B去同班師奶燒嘢食，早幾日已經約好同埋已經安排好邊個

負責乜邊個負責物，而負責霸爐嘅就有4 個，事關佢地順便開埋枱幾好呀，

又有另一番風味，明知佢地無咁早燒我就緊係同阿 B喺屋企聽吓歌仔先咁早

過到去咪盞曬(唔制)，開頭諗住五點幾六點先過到去都未遲啦，點知有個朋

友兩點幾打嚟問我過去未？嗰刻我緊係問做咩事先啦，如果唔急嘅我就唔駛

咁趕嘛，原來問我過去未嘅原因係向我求救，事關佢地俾蚊咬得幾勁吓，所

以就想我早啲過去，順便買埋蚊香同白花油過去俾佢地，收咗線之後同阿 B

睇冠陣電視我先開始慢慢執袋，阿 B一見我開始預備同佢出街佢就好雀躍起

嚟係咁話行得啦、行得啦，見到佢個心急樣就好好笑；我同阿 B去到沙灘時

佢個樣已經話咗俾我知佢開始眼瞓，但係阿 B佢又仲未想去瞓晏覺住，咁我

咪同佢去玩吹泡泡波囉，玩咗一陣見無咁曬咪同佢去行吓沙灘玩吓水囉，同

佢行咗一陣咪諗住試吓同佢除鞋仔睇吓佢敢唔敢行到海邊企喺啲海水到囉，

點知差唔多行到嘅時候佢突然嗌我抱抱，估佢應該有小小驚嘞，於是我咪攬

實阿 B叫佢睇吓媽咪都係咁企喺水水到叫佢唔駛驚，點知佢一樣都係唔肯而

且佢仲用對腳夾實我示意我唔好放佢落地因為佢好怕，見到阿 B佢咁驚我都

唔好再試嘞無謂嚇親佢嘛，呢晚我地大慨十點幾走，返到屋企攪好阿 B之後

都成十二點幾一點，不過今日都幾開心，因為基仔佢為咗想嚟陪我同個女，

就算要開夜今晚都特別早收咗，佢用咗最快速度去做埋夜，真係開心嘞終於

都可以一家人一齊去吓啲戶外活動。

    今日出完去返到屋企陪阿 B佢玩咗一陣我就行返入房開電腦，上咗陣網

就俾阿 B叫返我出去陪佢寫 A、B、C，雖然佢仲未識點揸筆寫字大多數都係

亂畫一通，但佢模仿得好似樣吓架，同佢寫咗一陣阿 B佢突然俾咗個驚喜我

令我好開心，雖然唔係話做得好好但喺嗰一刻我都已覺心滿意足•••佢竟

然無啦啦由一數到十俾我聽，但唔知點解佢每次數親都小緊幾個數目字，佢

每次數 1、2、3、4 跟住就會唔見咗個 5嗌到去 6嘞，但 6之後又會唔見埋

 7、8 喎一跳就跳咗去 9、10真係俾佢笑死之餘又覺得佢幾叻喎，事關之前

我都無點教過佢數 1、2、3•所以咪覺得好意外同開心囉！係就係唔得順住

數，但起碼佢都識得去分邊個數字順住落先吖，佢依家得兩歲半人仔咋唔好

咁高要求嘞，雖然佢可能比起其他兩歲半嘅小朋友學嘢慢咗啲，但唔緊要啦

起碼佢都識嘛。^^由聽日起要多啲順序咁數一次佢聽先得，如果唔係就麻煩

啦，怕阿 B佢第時繼續依然咁數就••••••

    『不過點都好，阿 B佢今日真係俾咗個 Surpries 我，而且仲令我開心

到唔知點講好，其實由阿 B出世到現在佢都一直俾咗我好多 Surpries 因為

佢係由零開始，所以先能俾到咁多 Surpries 我，遲啲到佢大個咗就唔會再

有咩驚喜，所以我依家一定要好好咁珍惜每一次 Surpries ！