上次個電腦基本課程合格，依家等到十月尾再繼續讀另一個電腦

課程，唔知今次難唔難學呢？唔知今次會唔會係上次個阿sir教呢？如

果會唔係就好啦，起碼唔駛再認識過吖。今個課程唔再係一星期返一

次而係一星期兩日，其實返幾多日都無緊要，事關我覺得咁可能會對

我好啲時間會過得充實小小，而最令我覺得唔係咁開心就係呢個課程

嘅最後嗰一堂，記得原先俾我睇啲資料係由十月尾至十二月八日，但

早兩日上去攞通知信嘅時候個職員同我講話因為十一月份有兩堂停課

，所以會喺十二月份補返兩堂，就係補返呢兩堂嘅原因變咗最後一堂

撞正我生日攪到我......『不知點算好』！唉─諗咁多都無用啦都係

到時先再算

    好頭痛呀！因為就嚟考試啦，所以有啲緊張同驚，由細到大我都

好怕測驗、考試唔知點解呢？上星期五電腦堂阿sir同我地溫咗一次考

試大慨會考嘅地方，喺堂上阿sir問嘅問題有一半都可以應付得嚟，但

我好怕到考試當日會乜都唔記得！因為以前讀書時都係咁，所以依家

咪有小小驚囉，唉！我發覺我就嚟癲啦，係緊張到癲，呢兩日都時不

時會溫吓書，但可惜....無乜心情去，因為同基仔又開大戰，唉！我

都唔知點講好，算啦....一個咁無用嘅我講咩都係無用...