沒有什麼意思想打這一篇.
但還是打一下吧.
365天.
那個未送出的禮物
已經在我家中365天.
上年的3月27日
嘛..翰的生日
我自己一個在旺角的街頭漫游.
一直在想 那一份生日禮物 應該是怎麼樣的.
不斷在逛 在想 終於漫無目的地走到一個很多玩偶的商場.
我想了想 ...她應該會喜歡吧
最後決定在KUMA在黃小雞中選擇一個
雖然她是很喜歡KUMA的(我指的是那個時候)
但我的私心決定了買黃小雞
...我想她應該不會介意吧 這是我當時所想的.
然後我就很開心的 想要約她出來 將我的心意表達給她.
本來想了她出來 再寫一下生日卡.
結果嘛.她在溫習 沒空.
那算了 晚點一定有機會再親手交給她.
而那一個晚點 究竟是多晚呢.
永遠? 還是近在咫尺?
那一張生日卡 在何時才會完成呢.
這些問題 過了一整年我也沒有回答的意欲
因為我不懂去回應.
起碼我現在可以做到的 是完成這一張生日卡
但能不能傳達給她 這個可能性顯然易見.
To:月月:)
18歲生日快樂!雖然今年既生日禮物並唔係你最鍾意既KUMA, 但係唔好嬲, 請你原諒我對雞雞既私愛...:)
今年係我第一次送生日禮物俾你呢. 記得前果幾年我都係只為一D好無謂既原因而嬲你, 搞到我地既生日都唔可以同對方慶祝...對唔住呀:(
諗番起識你果時我都有D驚, 因為果時我對你係0認識, 我唔知你係一個點既人, 雖然果陣時揀果個SEATING PLAN係因為肥仔係你前面, 我想搵人陪我傾計(逃
不過一齊坐都冇理由永遠唔傾計嫁啦, 所以除左肥仔之外你係另一個可以陪我傾計既人.. 傾起上黎又發現你其實好傾得, 基本上我講咩你都會應我, 果陣真係好開心.
如果果時我地冇一齊坐既話, 我諗我都唔會識到你, 更加唔會同你做到好朋友,咁講起上黎真係要多謝果張SEATING PLAN XDD
其實我真係好多謝你可以容忍我既脾氣... 我成日都會為一D好小既事而嬲 仲成日唔理你 但你都冇放棄過我. 你會一直同我SAY SORRY, 但我知道果D SORRY只係掩飾緊我自己既小氣. 雖然我冇一次係因為你既SORRY而"原諒"你, 但當你唔再同我講野既時候, 我就會諗 死啦 佢係咪唔會再理我呢 我係咪嬲得太耐.. 之後我就會扮冇左件事咁搵番你... 諗起果個扮咩都唔知既我真係好搞笑...
仲想同你講既係對唔住. 我令你對我失望左無數次. FORM 5 我有一排冇理過你 冇搵過你. 可能係因為我識左新朋友 覺得你唔再重要. 有次我搵你果時, 我係到諗 我地都唔同班啦, 仲可以有咩話題傾喎 一個禮拜搵你一次都唔太過份啦. 之後我明白 我既諗法完全係錯既. 其實跟本就唔關同唔同班既事, 係我覺得你唔再重要, 所以就冇再搵你. 但當你終於忍唔住 將自己既不滿放洩晒出黎既時候. 我先知道我所做既係錯. 我忘記左以前你對我點好 我忘記左係我最失落既時候係邊個係我隔離安慰我. 我忘記左你呢個為我付出左好多既朋友. 果一個暑假我真係唔開心, 我唔知點解自己會變成咁, 但我又冇勇氣同你講SORRY, 成個人好徬徨. 終於到左9月尾(定10月尾) 我鼓起勇氣係WTSAPP搵番你 希望你原諒我. 雖然你一開頭既表現令我覺得唔會再做到朋友嫁啦..理子你死左條心把啦.. 但我真係估唔到你竟然會原諒我, 理番我.(你成日都話一直都冇嬲過,但我知道其實我激嬲左你好多次:( ) 我做左咁多對你唔住既事 但你都可以接納一個已經做錯左好多次既我 我都唔知應該講咩啦...
由果日開始我決定左我唔可以好似以前咁嬲你, 唔可以以前咁唔理你, 一定要同你做番當初既好朋友. 所以我控制住自己既情緒. 雖然你有一次同我講過話 我覺得你對我冇以前咁重要 我表面上睇起黎係冇嬲 仲係表現出哈哈 咁既表情 但其實我好唔開心 但我知道呢樣野唔係你既錯 而係我自己造成既錯. 難得你肯對我坦白 我都冇諗住做D咩去挽留你. 但結果你自己知道原來係重色輕友而唔理我 結果又搵番我 HAHAHAHAHAHAHAHAHA........
講左咁多唔開心既野, 都係唔好再講LU 生日應該提番D開心既野咖嘛~ 所以所以呢 希望呢隻雞雞會令你覺得開心啦:) 再一次祝你生日快樂!:)
友誼永固哦.!
永遠愛你的小河
29/4/2013
|
