今日大佬同我講番appraisal嘅feedback, 佢話我整體都幾好, 幾有potential~~ 仲話我"話頭醒尾"tim, 哈哈~ 成份appraisal都係寫好野, 無衰野~ 整體有good的成績 (即係5分滿分, 有4分)~ 都幾開心, 佢話我"話頭醒尾"~~haha~

我地幾個都好想知c9份appraisal點, 呢條荗利就算俾poor都算益佢!! 希望佢快d整d大單野出黎, 等大佬"兜"走佢, 減少一個無謂人~~

今日放工去左德福會所打羽毛球 (HR定期攪的), 雖然得一個鐘, 但我地無停過~~ 好耐無打過了, 好痛快~~

今日係除夕, 好彩FELLOW都有趕番黎同我地一齊倒數~~ 回想起由中4開始, 到而家每年倒數都係同fellow, maggie, chung一齊過 (只係在melbourne一年例外)~~ 即使而家個個都番大陸做野, 最後都可以一齊慶祝, 真係好開心~

我地去左尖咀一間日本野食任食火煱, $$ok, 野食ok, 人又唔多, 真係意料之外~ 之後就响尖東影相, 好白痴咁又玩猜輸要做核突動作~~ 就開始行去鐘樓倒數, 但行到半島已經心知不妙, 見到半島門口有個台, 估計應該有野睇, so停左响嗰度等~ 成班人迫响半島樓下, d死鬼佬响房間望落黎同我地揮手, 真係有錢同無錢的對比~~ 12點時, 真係有倒數, 有大投射螢幕投射落成幢半島倒數~~ 之後仲有人唱歌tim~~ 今年真係可以有人帶領咁由10數到1了, 之前次次都係迫响街亂數, 今年算幾有氣氛了~~

玩完之後就番去寶林食糖水, 大家之後都好累番屋企了~~

To all: Happy New Year, 一年比一年好~~

今日爸的朋友端邀請我去富寧的一間教會聽分享見證, 主角係電影<<生命揸fit人>>的主角阿蛋&阿文(由黃貫中&朱茵飾演). 之前端都同我提過佢地係佢間教會的, 佢地都知我爸的事, 即使阿文係坐輪椅, 佢都話想黎睇我爸. 今次有機會見佢地, 所以好難得~

去到見到佢地, 原來佢地個女都好大個了, 睇佢地真係好唔似以前有d咁嘅過去, 雖然阿文成身纹身, 但都幾難想像佢以前係成日進出監獄, 成日吸毒的人, 仲因為吸毒過量而下半身癱瘓...原來宗教可以完全改變到一個人的性格~ 聽阿蛋講佢以前嘅事, 聽佢講佢嘅改變, 由一個壞到要入女童院, 又吸毒, 17歲就有左bb的女仔, 而家成為左專去監獄傳道的賢妻良母, 真係好有意思~ 好開心認識到佢地, 佢地仲送左隻vcd俾我tim~

聽完之後同mark去左鯉魚門, 諗住去行山, 但已經好夜了, 行左一陣就放棄左, 驚會迷路, 所以直接去下一站:去鯉魚門食海鮮~ 幾特別, 但無我想像中咁好食~~

之後出左尖沙咀, 去左諾仕佛台飲酒~ 因為好少飲, 好快塊面就好紅~~ 坐左一陣就去海旁行, 今年d燈飾差左, 連會展同IFC都無燈飾, 真係唔掂~~ 行完之後就搭mtr番屋企, 但...竟然响等地鐵時酒力發作, 暈到差d訓低...等車期間的4分鐘真係好辛苦, 想嘔又好暈, 好彩最後都等到車, 衝左入車坐低即刻訓, 之後就無事了~~ 辛苦了mark照顧我呢個醉貓~~ 

今日下午探完dad, then同mark去左太平山頂~ 今次係搭巴士去, 無搭纜車, 沿途見到半山好多豪宅, 真係唔明點解d人可以咁有錢... 之後上到已翻新的淩宵閣, 好過以前好多, 仲有得打機tim, 玩左一陣賽車同the sims~ 之後就上去影下相, 睇埋夜景~

下一站就去左工展會, 今次有ticket so免費入場, 省回$40, 我地响度食左好多野: 糯米飯, 牛雜, xo蘿蔔糕, xo魷魚, 流沙壽包, Appollo乳酪, 熱麥精...好飽好飽~~ 不過就無買其他野, 空手而回~

之後去銅鑼灣行左一陣, 之後上左間cafe飲野, 點知...mark嗰杯double expresso俾人搵笨, 只是一杯jai 啡...份量仲只得2口....睇到佢不肯相信呢個係事實同埋無奈嘅樣, 真係好可憐...好難體驗到佢嘅感受~~haha~~