| «‹ September 2025 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 11 月 4 日 星期六  | |
| 奇怪 |
今晚約左馬仔食飯，識左幾耐真係唔記得，一直都係見到Say Hi，然後Goodbye既同學仔，直到測驗得閒比左MSN佢，佢就比左好多功課我，都係我A/C上面既幫兇之一。
奇怪既係，佢係言談間好似有ｄ野咁，更奇怪既係，我係言談間諗起個傻佬，而家至發現原來要兩個人唔熟悉既人一開始就相處得好自然係有ｄ難度，原來要搵個同我肆無忌彈咁狂食既人係有ｄ難度，原來可以比我安心做埋ｄ低能白痴野又唔會太尷尬係有ｄ難度，原來要搵個可以讓我隨便講話，為所欲為既人係有ｄ難度。
不過，我諗一切都已經過去，自然咁黎，又自然咁消失，一切黎得自然，人就舒服。我應該珍惜呢一刻待我好的人，管他下一刻發生什麼事呢。
|
| 刊登時間︰2006-11-04 12:00 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 3 日 星期五 | |
| 瞓唔著 |
我又瞓唔著啦，唔通又係出街食飯累事？！唉．．．
橫掂都係典，上網典好過，不過真係好無聊，我無聊到係網上面搜尋自己個名，天下間同我同名同姓既人真係好多呀！！
原來咁睇下都好攪笑，因為通常都係ｄ班相。（哎呀！乜同我一樣咁醜樣既！ ）
跟住有Blog寫呢個名既人既野，佢話：今日我真係比ｘｘｘ激死呀！（唔通呢個名既人都鍾意激人既？ ）
又有ｄ係攞獎既名單裡面，仲有個話比ｘｘｘ扼左＄＄等等，衰野多過好咁既．．． 。
講開我個名，其實細個唔鍾意呢個名唔鍾意到大個架！
細個唔知係咪漏風，講親自己個名人地都係讀番錯，要讀好多次，真係激鬼死。
仲有橫睇直睇都覺得佢好唔整齊，三尖八角咁，我橫寫直寫都寫得唔靚既，聽又唔好聽，細個番教會好興叫名，即係唔叫個姓，但係叫名果兩個字爛親切咁，叫兩個字就仲衰，硬係怪怪咁。
以前好憎人叫我個名，攪事者我好可能會唔應黎對待，但係大大下，唉！始終都跟左我廿幾年，好好醜醜都要認番佢，唔知係咪因為咁，而家我都唔係太重視人地叫我咩，反正鍾唔鍾意都係名一個者。 |
| 刊登時間︰2006-11-03 05:48 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 2 日 星期四 | |
I Love You All  |
岩岩轉左個slide show，換左個背景音樂，我覺得好襯呀！
slide show就好似一架火車咁，係我既人生裡面有一卡一卡既人物出現，我真係好開心有你地係我身邊出現過架！不過係搵相既過程裡面至發覺原來好多都無同你地合照過／又或者我手頭上無同你地既合照添，所以放唔到係度。
無論有係上面既／無係上面既朋友仔，我都愛你地架！！
I Love You All.. 。
***祝 小草生日快樂！
減肥成功！
靚足一世！ |
| 刊登時間︰2006-11-02 03:28 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 1 日 星期三 | |
| 留住愛 |
樹寧•現在式單位
總結十年創作經驗，集各方得獎專才
2002年《海闊天空》叫不少觀眾忍不住淚
2006年全新感性音樂電影劇場高峰之作
匆匆六次相遇，卻情留半生
香港原創音樂劇場，融合電影風格與魔幻舞台效果，無懈可擊的舞台「鐵三角」──許樹寧、金培達、方家煌，譜寫一闕見證一男一女相遇相知半世紀的香港愛情故事。如果愛……總是擦身而過……
她跟他一生中只相遇過六次。第一次碰見，是上世紀四十年代初，尖沙咀火車站的鐘樓下。那時他15歲，她10歲。二人的命運相交在一點，留下不滅的痕跡。時光飛逝，二人經歷了各自的大半生；不過，一直以來，她的光，在他的名字裏，生命裏，照亮他，溫暖他。
人的一生中，很多很重要的時刻總是來得太早，又或來得太遲。然而，當回顧一生的時候，上天給自己的那些重要的時刻，其實是來得……剛剛好！
留住影像，留不住時光；
留住風流，留不住歲月；
留住回憶，留不住經歷。
愛情•電影•回憶•香港
粵語演出，附英文字幕
藝術總監、導演：許樹寧
音樂總監：金培達 (2006年柏林影展最佳電影音樂銀熊獎得主)
編劇：方家煌 (2005年香港舞台劇獎「最佳導演(喜/鬧劇)」得主)
編舞：王廷琳 (2004年香港舞蹈年獎得主)
主演：廖雋嘉 高皓正 細So 余迪偉 黃華豐
選擇場次
藝術節已經開始訂飛，不過今年個個都喊窮，所以都無訂啦，但係就有ｄ野想睇，其中有呢一套，因為喜歡金培逹＋方家煌的配合，唔知到時有無人陪我去睇呢？！
|
| 刊登時間︰2006-11-01 07:08 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 10 月 31 日 星期二 | |
| 考試 |
完左今晚既考試，番學既生涯都告一段落。
今日整日都好輕鬆，雖然都係打一場無把握的仗，結果都同預期既差唔多，無打到一場勝仗，不過都唔算一敗塗地，原來要迫自己得到最高成績，係好辛苦既事，要求高既人真係唔會好開心，反而接受一切順其自然黎得安樂。不過始終免不了有種遺憾。
今晚係哈囉喂日子，係銅鑼灣見到個男扮女裝，臣高臣大既俏護士，好 。去到中環就更加熱鬧，通街都係紗布、血、鬼，熱鬧程度同聖誕不遑多讓，但係好令我討厭，唔鍾意哈囉喂，連我ｄ寵物都自動變晒哈囉喂背景，真係痴線架！我淨係覺得呢日最岩劈友，劈到成身血都可能唔會有差人拉。 |
| 刊登時間︰2006-11-01 06:44 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 10 月 30 日 星期一 | |
| 攰 |
完左個婚宴，番到屋企好想食野，又攰又肚餓咁，其實本來都想溫下書，不過外邊又上演好戲，有無人可以係戲院溫書既呢？！我就唔得，只好瞓覺。今次瞓得好好呀！可能之前太攰勒，無咩點瞓之下全日走黎走去，都只係偶然想放低個頭，都算叻叻啦。
表哥打黎約去濕地公園嘈醒左我，我真係好想你地可以出去玩玩囉！不過呢個可能性越黎越低。你地去玩我就可以好好溫下書，最後又係唔去，戲院又繼續上場，我又唯有瞓覺，瞓到精神既時候，深夜無人既時候至溫書。
後尾至發現我又無左間房勒，淨番個廁所可以比我徹夜點燈，心情跌到落低點，好那想喊，好在只係淨番一科，好在呢科係我三科裡面平時分最好既一科，好那攰，一路讀一路都好攰，只係草草溫左一ｄ。 |
| 刊登時間︰2006-11-01 05:58 PM [ 訪客留言(3) ] [ 編輯日誌 ] [ 分享至FACEBOOK ] |
| 2006 年 10 月 29 日 星期日 | |
| 姊妹 |
再過多幾個鐘就做姊妹啦！！！！但係我而家都未瞓．．．仲傷風添．．．似乎個個都病！
不過我弱ｄ啦，只係出一出去準備ｄ玩遊戲既野，番到屋企就傷風啦，唔通我真係大小姐黎既．．ｏ.0"，要三步不出閨門至得?!
今日試左好多野，聽日都叫做要見人架嘛，最後都係著裙，用長靴黎遮掩我對爛腳，用化粧遮掩我塊爛面，希望仲見得下人啦，不過呢，心裡總係咁諗，我都唔係主腳，唔駛靚靚既，唔嚇死人就得．．。
見到老肥既時候，佢竟然話我都唔係好殘者，咁講法有兩個可能性，第一係我已經係佢心目中既"長崎漾穗"；第二係佢安慰我。不過我覺得第一個可能性高好多，我番到屋企望下塊鏡都忍唔住望少自己兩眼呀！
到底點解人捱我又捱，人地捱得黎咁靚仔，我捱得咁樣衰既呢！ |
| 刊登時間︰2006-10-29 03:21 AM [ 訪客留言(2) ] [ 編輯日誌 ] [ 分享至FACEBOOK ] |
| 2006 年 10 月 28 日 星期六 | |
| 平安 |
好多時心情鬱結，都會讓我看到一些關於主的文章，看過後，心情又舒泰多了，這是從神而來的平安吧。
昨晚看完Wink Wink的隨記，靈修時看到馬可福音第四章裡的平靜風和海，想著耶穌對他們說的那句話：『為什麼膽怯，你們還没有信心麼。』生和死都掌管在神的手裡，只要有主同在，又何懼風急浪大，只是又有幾多人可以在風浪中不說：我們喪命，你不顧麼。
願我有這份信心，感謝主賜下平安。
|
| 刊登時間︰2006-10-28 03:35 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 10 月 27 日 星期五 | |
| 情緒低落 |
今日總係唔開心咁，雖然今晚要考試，但我諗同考試無咩關係，事關上次考完試，雖然做左白痴精，但個人好開心，今次比預期中ｏｋ，起碼叫做答晒所有題目，吹到兩下水，但係勁唔開心喎！都唔知做咩．．．
我係臨收卷既時候見到人地ｄ答案寫得好整齊，有條不紊咁，心裡面就好自然問自己點解唔可以寫得ｄ字靚靚地，永遠都係打風咁核突，但係我打風都寫到淨番最後五分鐘，唔打風既話．．．
雖然人比人會比死人，但係我就算唔同人比，我都覺得自己太差，呢個根本就係唔駛同人比都知既事實！！！！
可以爭氣ｄ嗎？！
心情唔好想食辣野，我懷疑我想虐待自己，不過暗暗自問，一個人十一點走去食辣蟹唔過份嗎？我就覺得有點兒那個，於是去左食蕉蕉批，由係廣告見到後話想食到而家，不過食完一次就夠勒，總係覺得有ｄ假蕉味咁，唔多討我歡心，但係個廣告就好得我心，每次見到醫神講：我個包呀！我都忍唔住笑，呢排麥記ｄ廣告真係好得！
到而家我都係最鍾意醫神，因為．．．．．．我都係痴線既。 |
| 刊登時間︰2006-10-28 02:04 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 10 月 26 日 星期四 | |
| 完成 |
禽日一直瞓，今日都係要瞓到好晏，又呆左半日，跟住做左半晚功課，終於都交左，可惜書仲係未溫，開始無咩心機添，原來我唔可以狂開Turbo，仲以為可以一直撐完個試添。
聽日考試既野都未攪掂，心裡面又掛住份禮物，我仲未買份結婚禮物呀！又無時間整，唉，有錢人可以用錢買時間，無錢人可以用心思做禮物，我錢又無，時間又唔夠用，咁點好喎！ |
| 刊登時間︰2006-10-27 02:05 AM [ 訪客留言(0) ] [ 編輯日誌 ] [ 分享至FACEBOOK ] |
« | 23 | 24 | 25 | 26 | 27 | 28 | 29 | 30 | 31 | 32 | ... | 71 | »
|
