今日踏入放農曆年前一週的工作週，心情已經充滿晒holiday mood，
因為今日全部agent去晒開會，所以有一個清靜的office，
加上聽日後日三個老闆去上堂，星期四、五佢地開始放假，
冇咩特別事的話，今個星期應該會較為輕鬆。
初時仲諗住難得今日冇乜人，諗住曳曳去對面唱ｋ lunch，
可能太耐冇去唱ｋ，落到去先發現間卡拉ｏｋ已經冇左，
真係有ｄ失落，唯有去第二度食野，食完野叫做買左件衫有收穫。
晏晝同女王邊裝program 邊傾下偈，
之後得知邊我地個新branch 秘書都會ｏ係情人節之後開始放假，
以往老闆成日話我跟大圍（大秘書）放假，轉左新大老闆之後的第一個新年，
知道佢地放得好多，由年廿八放到年初五，所以我都諗住嘗問下老闆會唔會跟佢地，
雖然我諗都未必會，問都叫問過丫。
臨放工家姐老闆開完會返黎，正想去問佢呢個問題，
點知佢已經先開聲講話問過知道大老闆秘書會早放，不過佢同煩煩老闆提出，
又係比煩煩老闆reject，家姐老闆話以往都係跟大老闆秘書放假，
其實細佬老闆同埋心急老闆都冇乜所謂，
但煩煩老闆話係跟reception，因為以前大家老闆秘書都係跟reception，
而且PA (personal assistant)唔同分行秘書，
我聽都真係立即想”啤”一聲，煩煩老闆咁講法真係乜都比佢講晒啦，
若果我同分行秘書唔同，咁我就更加同reception 有關係，
因為我係四個老闆請，並唔係公司請，若果佢話我係跟公眾假期放假我覺得絕對合理，
事關我ｏ既合約上都係咁寫，佢地肯比我放早係人情，
但我真係對佢呢個解釋真係完全唔接受，
以前煩煩老闆都曾經試過叫我去reception問人過節收幾點，
我當時都唔肯去問，因為人地實話我老闆鍾意比我放幾點就幾點，
要我去問ｄ咁白痴ｏ既問題我死都唔去架喇，不過估唔到煩煩老闆ｄ sense 依然咁獨特，
都唔知佢真係揾黎講定係真係咁合理，有時我寧願佢坦白ｄ話唔想蝕抵我仲會接受，
真係比佢激到嘔血，而且問題唔係我有冇得早放，我冇得早放都冇所謂，
我仲要累埋女王同埋隔離新秘書，因為佢地老闆話睇我幾點放，
真係仲要累埋街坊，所以好老實對住煩煩老闆真係偏心，
做佢ｏ既野都係冇咁賣力，因為大家sense 係完全唔同，好多時係完全相反，
雖然我諗ｏ既野唔會ｏ岩晒，但ｄ太唔合情理ｏ既野我真係唔多想幫佢去爭取，
我費事比人話我冇腦，唉．．．．真係救命！！
放工同女王邊行邊講呢個問題，行行下家姐老闆打比我，
先講公事，之後再提起放假問題，我都同佢講左我地branch 秘書放假情況，
佢話同煩煩老闆試下幫我揮到返到廿八後唔駛返，
其實我都冇乜寄望亦冇乜所謂，只係覺得明明好簡單老闆會可以自行決定ｏ既野要攪到咁複雜，
仲要累埋人先覺得把幾火，若果煩煩老闆佢唔係我老闆，我真係會話鬼佢，真係谷鬼氣。
唉！！算啦，結果點我都冇乜所謂，只少知道家姐老闆都有為我爭取，
另外又比個機會自己見識下煩煩老闆ｏ既『驕人智慧』啦。
| 
