<<開始紅卜卜的士多啤利＞＞

琴晚摸左大半晚的新blog，
今日check 左運作正常，仔仔終於又可以正常食字喇。

今日工作都一般地多，但冇乜特別野發生，
反而特別係放工走左去旺角濕平，
冇咩ｏ既，因為出左糧個身有ｄ痕，
今次都有收穫，一口氣用三百蚊買左兩條牛仔褲，
一件外套同埋一件衫，
都叫做滿足左餓左好耐冇買衫ｏ既我喇∼∼呵呵

＜＜第一次試整的『紅燒元蹄』＞＞

 ＊　＊　＊　＊　＊

雖然琴日放假，不過都好攰，所以今日都好晏起身。
因為成一點先起身，所以都冇去飲茶，但去左間港式快餐店食野，
食完後雖然時間都尚早，但都去左街市走左一趟，
琴日買左一隻隻『元蹄』，都好想試下整，
以前去『西湖春天』好鍾意食一款『紅燒元蹄』，今日打算試下整，
亦因為要炆得較耐，所以要早ｄ準備。

聽日天氣又凍凍，凍冰冰爬起身真陰公∼∼