<<成功用種子種植出黎的第二代波期菊開花喇>>

<<開始開好多花的重瓣玫瑰洋鳳仙>>

<<第二盆買的非洲紫蘿蘭開左好多好多花>>

＊　＊　＊　＊　＊

忙碌左一個星期，真係幾攰，總算有機會訓返晏ｄ，
起身之後發隻左眼腫腫地，原來比大惡蚊針過，真係太可惡，
好在今日唔駛返工嗟。

今日天氣唔錯，陽光好好，但就幾熱，真係冇諗過剛踏入三月可以咁熱。
中午去左飲茶，之後去左花卉世界，過年後都未有太多新花花，
所以冇買花，其實今次最主要係買泥，因為個露台ｄ花花黎個大整理，
ｄ三色堇全部退役喇，因為佢開花最靚ｏ既時間已過，雖然都仲有開花，
但已經非常雜亂，而且有ｄ仲有虫添，為免惹到其他植物，唯有將佢清理。
將剩低ｏ既盆用黎放ｄ新苗，因為先前買返黎的波斯菊雖然都凋謝晒，
不過就採左ｄ種子另外培植，依家培植出黎的下一代都開始開花喇，
而且仲大得好快添，所以要將佢由培植盆移返去大盆，
另外仲有退役左ｏ既三色堇ｏ既下一代，雖然冇波斯菊大得咁快，
但都出左小小苗，希望可以培植成功啦。

『玫瑰洋鳳仙』開始到花期，不斷有新花苞同埋開花，
因為買返黎時只係小苗，都唔知開出黎ｏ既花係咩樣，
依家終於見到花花的樣，覺得好開心。
仲有我第二盆買返黎的非洲紫羅蘭開左好多花，
同事比我的紫羅蘭葉浸到開始有少少根，
若可以成功種植，咁我就有三種非洲紫羅蘭品種，
上網睇過原來非洲紫羅蘭有好多好多品種，若出開去見到另外靚ｏ既品種，
我又要買返黎先得，難得可以種到開咁多花花，見到都覺得開心。

另外今日去開間鋪頭有芒果樹同荔枝樹，下次有ｄ細盆ｄｏ既，
都考慮買返去種下，到時可以摘芒果同荔枝食，一定開心死，嘻！

年假後返左工一個星期，不過就忙足一星期，
今日主力都係家姐老闆，佢一勤力做野我就大件事，
接近中午佢去見客簽單，單單係出一個建議書再email比客，
短短十五分鐘內老闆就打左五個電話黎，真係攞命，
晏書老闆返黎交完單又出建議書準備聽日見客，
頭頭尾尾都出左成十個建議書，仲要行好遠去老闆房來來回回都只少五、六次，
攪到都冇心情坐定定做野，臨放工前要幫心急老闆將花換水，
不過我都知家姐老闆在臨放工前實要再揾我，但要去換水我都唔理住，
專登唔拎電話，因為我都想可以好好地做埋件事先放工，
果然換水返黎，隔離同事話我個電話響左幾次，冇法啦，我都太了解老闆喇，
平時通常星期五晏晝會較靜，準備收拾心情放假，不過今個星期真係忙足一星期，
今日臨放工仲不斷聽電話同行來行去，真係都幾閔憎，
好彩係老闆都會講唔好意思，要麻煩我同辛苦我，
所以我同女王都講，老闆除左自己努力拎到好成績外，
都真係要多謝埋我先得喇，因為我都做到冇命。

今日基本上都只係服待左一個老闆，其餘兩個完全冇時間去做，
ｄ文件又繼續堆呀堆，唔知我下次放大假前有冇機會清得到呢？

＜＜剛開花的另一款重瓣『洋鳳仙』＞＞

＊　＊　＊　＊　＊

琴晚哽住條魚骨成晚，好唔舒服，尤其吞口水時赤赤痛，
今朝都依然帶住條魚骨返工，其間有時想咳下等佢唔好吉住喉嚨，
返到公司買左個麵包同維他奶，心諗唔知食ｄ野可唔可以頂佢落水，
一開始飲左幾啖維他奶，都未開始食飽，就發覺條骨唔見左喇，
真係謝天謝地喇，因為真係太耐都整唔走條骨，最終都係要揾緊生，
條魚骨解決左，心情都立即好返晒∼

今日依然都多野做，因為果ｄ工作都係呢幾日ｏ既存貨，
其間我個傻細佬老闆傻傻地，無啦啦同我講好耐冇見，
今日係我第四日返工，聽到佢咁講我都真係唔識答佢，
問佢做乜呢排心情好好咁，佢話要放鬆心情準備請人媧，
仲話佢果幾個downline 果陣都係見佢咁先入黎呢間公司，
我同女王講佢地比老闆呃入黎就真。不過終於都係果句，
見老闆心情好點都好過見佢心情唔好，一唔開心就粒聲唔出，
做左人老豆都仲係咁大細路，真攞命！！

唔經唔覺今日踏入三月喇，又慨嘆時間過得好快，
剛返工冇諗又諗緊下個月要放假，雖然多野做，唔理三七廿一，
有假放左佢先算喇∼∼