今日星期一，正式進入公司裝修前最後階段，
平日早餐都係食個麵包，今日預左要做苦力，
所以都食定一份早餐打底，唔想未到朝早一半就肚餓。
返到公司安頓一陣，見女王話細佬老闆好乖咁搬好左佢自己ｏ既野，
咁細佬老闆份人不嬲都好好ｏ既，可能星期六返得黎不如自己搬埋，
駛事再要女王煩啦。之後我都去煩煩老闆個位度視察下，
諗住睇下佢星期六返黎清野清成點，點知未行到去見佢ｄ書架清空晒，
再行埋佢個位度望下，居然佢自己全部執晒仲pack 埋箱，
我真係諗都冇諗過呢樣野會ｏ係佢身上發生，當然咁實在太好啦，
因為我只係執晒自己野就ｏｋ喇，而且仲要比到時間我今日處理下手上的工作添。
不過，話時話又真係好彩唔駛幫老闆執野，因為今日真係超多野做，
淨係做家姐老闆renewal O既單都成十單八單，仲要要幫佢出定建議書，
同埋心急老闆都要出建議書等佢放假時用，所以一時間四周ｄ人都不斷pack 野，
好似只有我成先仲ｏ係度做野，有時同事問我做乜仲唔執野，
我講笑話好似打仗雖然日本人打到黎，但我要留守到最後先徹退。
中午時個天黑晒，好想落大雨，所以都冇去得遠食晏。
晏晝家姐老闆返黎話今晚個客放左佢飛機，如無乜特別野聽日都唔返，
復活假期後佢又去上海旅行，足足要半個月後先見到佢，
佢講笑叫我唔駛掛住佢。另外仲有關於我聽日幾時放工問題，
家姐老闆話之前問過煩煩老闆，佢又慣例要問其他秘書，但煩煩老闆呢兩日返左大陸，
我諗佢都冇左回事，所以家姐老闆同心急老闆傾左，佢話話今次話事比我跟大隊放，
即是聽日冇乜特別事情的話十二點後可以離開公司，一直到復活假後先返，
另外會唔會扣我假問題，都係問左煩煩老闆先，因為佢至煩。
今日傾開呢件事我都同家姐老闆講，有時呢ｄ野下下要問佢地秘書其實都好煩住人，
根本老闆自己話事就ｏｋ，早ｄ話比我聽結果等我有個預算去就住時間做野，
其實其他三個老闆一向都冇乜問題，唯獨煩煩老闆算得好盡，
家姐老闆都話我今年review時提埋呢樣野傾，我都寧願有個清晰ｄｏ既指引，
唔好次次攪到咁煩咁複雜。
一路忙到四時先開始執野，暫時執左兩箱，其實有一半都係ｄ未file 同未scan O既文件，
聽日最後會執埋其餘瑣碎野同雷腦，好彩放假後家姐老闆去左旅行，
好多野我可以唔pack 箱寄存住ｏ係佢間房，即使未有時間折箱，
我都可以ｏ係佢間房做住野先。
今晚又明顯地涼左好多，真係要小心著多件衫，聽日捱多半晝可以放假喇，太期待喇∼∼
| 
