<<琴日的『木瓜獸』最終被劏成兩半喇~~>>
＊ ＊ ＊ ＊ ＊
呢排都似乎有丁點因為公司d野而煩，不過都係少少嗟，
夜晚一樣大覺訓。
今朝諗住做陣野去家姐老闆度八下琴日佢地傾左ｄ乜，
不過最左一朝早打咭同家姐老闆講左早晨之後，好快已經唔見左人，
去佢間房見佢房門大開，裏面杯水仲放ｏ係度，又有張唔知乜ｖｉｐ之類ｏ既咭，
仲估佢行開左陣，不過女王話聽到有人講佢去左阿仔學校，仲好勞氣添，
走得咁匆忙，可能發生左野，但唔知咩事。
接近食lunch，大秘書過黎通知我同隔離新秘書，話比我地聽個新位ｏ係邊，
因為只有我同佢係無坐位ｏ既無主孤魂加遊牧民族，若冇人滿之患就有位坐，
但有可能一日會冇話坐，而大秘書比我睇的新位係冇再改到，依家ｏ係分行秘書隔離，
而同女王就隔左一條街，真係好喇，暫時都再駛再煩喇，個新位坐得一日得一日啦。
呢排家姐老闆、細佬老闆同煩煩老闆果一group 人狂追數，若果ｏ係月尾之前追夠數，
佢地就可以正式升為一個分行，所以呢排佢地個個都追到牙血到出，緊張非常，
有時都真係佩服佢地預左揾幾多數，出完街返黎又真係簽到，不過有時真係幾有搶刧feel，
細佬老闆晏晝簽完單返黎抖氣時，同女王一齊同佢傾左陣偈，連老闆自己都話覺得自己似打刧，
我地話想像佢地出去好似拎住把刀仔，行住人條頸，叫人拎晒ｄ錢出黎咁，
後尾隻老闆又想做大花筒想買個甚麼電子白板，我同女王要幫佢吸一個『不批准』印，
女王仲話多個五百蚊唔比買添，我諗緊細佬老闆一定覺得身邊ｏ既女子都好煩，
成日做常娥娥住佢都未定，嘻嘻！
今日都好多人開始pack 野，不過我只係幫煩煩老闆pack，而佢又話星期六返黎先執，
所以我都係下星期先pack 野，聽日後日都努力衝刺做下野好過喇。 | 
