唔知點解琴晚好攰，食完晚飯返屋企上左陣網已經眼睏到起，
所以好少有咁十點幾就爬左上床，一訓就訓到今朝，都算幾滿足。

話咁快又到星期三，悠閒ｏ既日子到左一半，
不過我都仲未開始過filing，因為怕心急老闆太勤力星期五就走左黎返工，
所以晏晝都去佢間房file 左野先，以免佢返工後冇乜機會file，
但佢太多冇用ｏ既文件，所以一邊file 一邊揀野出黎唔到，
到臨放工都未清晒，睇下星期五仲有冇時間，因為間房聽日會有人用。

本來晏晝諗住去碎紙，點知女王佢地話部碎紙機又比人整到塞住唔郁得，
點解ｄ人用野用到咁架？我足足成兩個用冇機會用部碎紙機，
因為早排裝修個個都用，但ｄ人又唔錫野用，部機幾乎日日都壞，
真係好剋人憎，難得今日想用又比人整壞，真係激死，
不過好在臨放工發覺部機可能比人整好，所以立即去碎碎碎，
幾經波折，終於用到部碎紙機喇∼∼∼(滴汗．．．． ^^")

兩個老闆出trip 的第一日，例牌都唔多想做野住，
返工冇耐都係女王同埋隔離分行秘書傾下偈，又set 返好個新keyboard等。

前細佬老闆請ｏ既新同事今日都返左黎，有時有問題都會教下佢，
之後做左少少手頭上ｏ既野，都開始執下D scaning，因為之前裝修office，
有ｄ scan  左o既文件都係要check 多次先安心拎去碎，若果唔係碎左就冇晒架喇。

本來諗住食晏前去郵局寄信，不過比煩煩老闆叫住，
仲有要照顧埋心急老闆請果個telemarketer，最後都係食完lunch 先去，
寄完信有個講普通話ｏ既人打比我，原來係心急老闆個客，
好在普通話都勉強應對到，若係英文就死火∼∼　:P

晏晝都係清下野同埋幫煩煩老闆攪ｄ野，五點幾家姐老闆用細佬老闆部手機打黎，
等我仲以為做乜細佬老闆仲揾我添，聽朝應該都要教下細佬老闆個新同事打個summary，
不過話時話我都係唔係熟，應該叫返原創人家姐老闆教好ｄ，
但盡管試下教啦，不過最怕教錯人就瘀皮咯∼∼

<<28 蚊買返黎的cheap cheap keyboard＞＞

＜＜個分插諗住放ｏ係公司張枱上面用，仲有個盒懶係靚仔咁添＞＞

＊　＊　＊　＊　＊

琴晚好晏先訓，應該講今朝好早訓先ｏ岩，因為心血來潮想整手機theme，
攪下攪下今朝成四點先訓，因為咁早訓，當然今日好晏先起身，
今個星期做懶豬，攪到都冇去飲茶添。不過起身後望電話收到個短訊，
係細佬老闆ｏ既大師姐downline sent黎ｏ既，原來佢今朝已經生左個ｂｂ女，
重七磅，今次係佢第二胎，阿媽話生第二個會好快，第日等佢返工問下佢係咁真ｏ既先，
不過我諗佢好開心喇，因為本來預產期係十三號，果日咁ｏ岩係細佬老闆生日，
佢話點都要早ｄ生個ｂ出黎，費事同老闆同一日媧，今次佢終於如願以償喇∼哈哈∼

食完晏仔本來諗住去睇ｄｖｄ，點知冇開媧，唔知係咪風聲緊要收歛下呢？
我好耐都冇ｏ係呢頭行過ｄ電子電腦商場喇，今日跟住去八下，
其實我覺得ｏ係呢頭行呢類商場都幾有新鮮感，對我黎講好似好多新奇野，
最緊要價錢平，好似我今日買左個細keyboard，係冇左右邊ｄ數字鍵，
因為公司個位太細，我依家用keyboard 時係放ｏ係大脾，唔用時揀返o係地下，
其實咁實在太唔方便，於是自已買個細ｋｅｙｂｏａｒｄ，只係２８蚊咋，
ｏ係香港都冇可能啦，另外仲買左ｄ　USB分插同埋card reader，都係好平，
仲有ｄ充電池同埋ｄ cheap cheap 平電池，好似好多收穫咁，
因為都行到六點幾，所以都冇煮飯出街食飯。

呢個星期過沒有兩個老闆的日子，希望可以過得較優閒同清靜啦。