早兩日都幾匆忙咁去露營，因為都係早一晚先知，好在係有人開車去，
講真我都唔係太清楚去邊，不過我係香港去露營無數，ｏ係大陸去露營都係頭一次。
今次目的地ｏ係『霞涌』，其實我都未聽過，應該係『大亞灣』同『淡水』附近接近『惠州』，
我查實都唔太知道正確位置ｏ係邊，只知ｏ係深圳去大約個幾鐘車程。
好好彩我地第一日去到非常好天，雖然係好熱好曬，但影相就好好多，
所以果度有婚紗公司安排ｄ客人去果度外影，不過咁曬要化住粧著住婚紗影相，真係幾難頂，
仲要行ｄ崎嶇石路，所以有ｄ新娘上身著得靚，但會著住拖行去方便行路。
呢度個沙灘好大好長，去ｏ既人唔多，而且沙灘都幾乾淨，而我真係好耐冇去過海邊聽海浪聲喇，
真係唔知點解，不斷重覆ｏ既海浪聲，ｏ係人聽到都覺得好舒服好寧靜的感覺，
或者真係因為呢ｄ係大自然ｏ既聲音啦
我地周圍行下影下相咁過左一個下午，夜晚就ｂｂｑ，好耐冇試過，
依家天氣都仲唔錯，夜晚會幾好風，唔似夏天咁熱，我地慢慢燒到接近兩點先訓，
夜晚訓得一般，訓下醒下，第二朝八點幾起身，之後食完早餐，抖左陣就走喇，
然後去左附近一個寺度兜左一圈，又係附近市集度食埋海鮮先走。
今次去ｏ既沙灘真係幾大幾靚，不過行程唔算太多驚喜，同我以往ｏ係香港去西貢露營差不多，
不過對於好耐冇去郊遊ｏ既我，緦算難得有去郊遊的機會。
今次影相唔太多，我揀左小部份放左ｏ係相薄，若大家有與趣都可以入去睇下架。
-----> 霞涌行 相簿
＊ ＊ ＊ ＊ ＊
因為之前去左玩，琴晚未夠十點去左訓，所以今日精神都唔錯。
今日去瑞士旅行ｏ既老闆回歸，煩煩老闆送左盒『朱古力』比我，
而家姐老闆唔鍾意買朱古力怕溶，佢去意大利途經德國，買左『胡桃夾子』公仔比我，
仲幫分行秘書老闆同細佬老闆買埋比佢地秘書，所以依家我地每人都有個『胡桃夾子』喇。
不過今日唔記得幫佢地影相，等我聽日補返先。
不過，老闆返黎當然唔會有停手啦，呢ｄ都係預計之內，好彩係工作未算複雜，
希望聽日加把勁清返ｄ野比地先得，我張枱咁細，費事比佢地ｄ野阻住晒呢∼∼
| 
