今日都訓到成十二點起身，之後去左內地朋友個鋪頭，我地帶佢地去飲茶，
之後又返佢地鋪頭幫佢地整下電腦同埋傾左陣偈。

返屋企又坐陣上下網，接近五點去街市買餸，沿途耐唔中都有三兩滴雨，
好彩唔大，因為我冇拎遮，買完餸後返屋企，剛過完樓企樓下的馬路，
突然覺得頭上有幾滴雨，仲越來越大滴，立即飛奔到屋企樓下大門口，
非常好彩，我上到平台已經見到好大ｏ既雨，如果仲係半途都唔知點算，
因為冇乜地方可以遮雨，所以今日非常幸運日，避過一劫，唔駛做落湯雞，嘻！

＜＜上個星期落的種子發芽喇，但唔知係芫茜定係芹菜呢？＞＞

＜＜兩星期前的南瓜苗＞＞

＜＜兩個星期前落盆的南瓜苗，依家已經大左好多喇∼＞＞

＊　＊　＊　＊　＊

琴晚想夜d 訓，但係都頂唔順，不過今朝都唔算太晏起身，
起身去露台淋完花花之後出去食飯，跟住去左花卉世界，
今次ｏ係收穫係殺虫劑，因為依家好多虫ｏ係ｄ植物到，
尤其ｄ蕃茄，唔可以比ｄ衰虫影响ｄ蕃茄，但又唔可以亂噴，
所以今次要去問下邊ｄ可以噴，另外又買左『波菜』同『小棠菜』的種子，
而上星期落ｏ既種子開始發芽喇，唔知係芫茜定係芹菜呢？
但見一棵仲痴住粒種子殼，個殼又似係芫茜，可能要等佢再大ｄ先分辦到。
另外早兩個星期將ｄ南瓜苗放落泥到，依家又大左好多喇，
見到佢地一日一日長大，真係開心喇。

本來諗住去完花卉世界直接去買餸，不過好熱又覺得有ｄ攰，
所以返左屋企訓左個晏覺，再補一補眠真係人都精神返好多，
呢排可能真係好攰，希望黎緊隨住公司裝修後慢慢安頓返落黎，
唔駛再咁攰影響精神啦，雖然分分鐘會比人迫遷。

今晚自己煮飯食，好飽飽呀∼∼

琴晚突然奇來一陣怪風，又突然奇來一場超大ｏ既雨，
或者真洗晒ｄ塵，所以今日一返醒就見到好靚好靚ｏ既天氣，
同埋清涼左少少ｏ既天氣。

唔知點解琴晚訓得唔太好，今朝覺得好攰，而且仲有ｄ頭赤赤，
唔通係吽病？唔好卦∼∼∼

今朝家姐老闆冇返，所以清下ｄ文件，不過又要幫煩煩老闆整poster，
都唔明點解佢咁鍾意呢ｄ野，因為晏晝時已經唔想做腦，所以呢ｄ留返晏晝做，
不過就真係眼訓到飛起，對眼勁攰，真係好想合埋佢。

或者係我速度太慢，用左成兩個鐘先整好，都唔知佢鍾唔鍾意，
都唔埋佢喇，比左佢先啦。

夜晚返過左關先知會同朋友食飯，不過好在都唔係傾得太晏，
食完我自己返屋企抖下先，因為今日狀態唔好，所以要早ｄ訓喇。