終於要返工喇，琴晚訓教時腦裏已經浮現左公司ｏ既野，真係大鑊！！
今日依然好熱，所以冇著牛仔褲改左著裙，諗諗下都有成年冇著裙返工喇。
因為預左一返去就見到一堆文件，所以都食左早餐先返去，
費事一路咬住個麵包一路聽老闆講野。不過返去都比預期少野，
但原來心急老闆屋企有事呢幾日都唔返，去佢個信箱收文件先知大鑊，
好多renewal o既文件ｏ係度呢，雖然心急老闆冇同我講咩事唔返，
不過應該都係有ｄ野，但佢唔講我又唔理住喇，最近要清下野先。
食lunch 時一行七個人去食飯，本來食得開開心心，
點知比坐以前坐隔離的同事仔，”吉”舊排骨時唔小心彈左ｄ汁落我度，
『天呀!!點解要咁對我？我ｏ既白色衫做錯左ｄ乜野，點解次次要咁對佢？？』
唔知點解我著親白色衫，好多時第一次著寺會中招彈到ｄ汁，
所以我今日都一直好小心咁食野，點會諗到自己小心之餘都係要比人彈到件衫，
我又係第一次媧，真係激死人喇，點解要咁呀∼∼鳴！！
當然我都要同事仔唔係有心，但我ｄ白色衫都實在太苦命喇，
但我都唔理喇，洗唔甩都照著喇，都唔叫太誇張，只多叫人唔好望我件衫囉，
不過我實要次次著住件衫對住同事仔架喇，等佢笑死都好∼∼啍！！
放工前都仲有超多文件未清理，睇下有冇機會今個星期清得晒啦∼∼ | 
