今朝又專登早d落車行下先返工，去到樓下見到心急老闆立即貼住佢返工，
佢都知我冇 access 咭出入好唔方便，不過又冇計可施，都真係無奈。
朝早九點都唔見女王，佢果真唔舒服請病假，但唔舒服留ｏ係屋企抖下好ｏ岩ｏ既，
經過細佬老闆房問佢女王係咪請病假，佢話女王已經sms左通知佢，
我同佢講有咩要幫手就出聲。冇耐佢拎住ｄ文件問我ｄ 文件袋ｏ係邊度拎，
我就比左個佢，佢又問我ｄ文件係咁send 去PA？因為佢都脫左節，
我話佢一早就脫左節啦。後尾我同隔離分行秘書講野時，佢話細佬老闆好似叫我，
我擰頭身見佢企ｏ係女王個位度，問我知唔知女王ｄ App form 放ｏ係邊？
佢話揾唔到，我笑佢當然唔會識揾啦，仲笑佢做咁咁細聲叫我，我都聽唔到，
於是幫佢執左一set，我諗佢會去見客，跟住我又問佢女王冇返工，
有冇覺得好寂寞？（因為女王好多野要提佢同奄悶佢），佢話覺得女王唔係度好似冇左手腳咁媧，
我諗比女王知道實笑死佢，因為女王才唔要做佢ｄ手腳呢(手又長腳又長好似香雞咁．．．）
接近中午短跑同事經過我個位，佢話佢好想死，我問係咪果個『J』君又激佢，
佢話唔係，係因為幫佢老闆入左一個年度的支出數冇晒，雖然有backup 但都開唔返，
佢話真係想為呢件事唔做，而佢都揾過新請的『電腦阿叔』幫手，但都救唔返，
佢話真係急到想喊出黎，我好明白佢感受，但又幫唔到忙，初時出去食飯時佢仲係好唔開心，
但好彩我地借故揾其他話題黎講下，之後佢都冇乜野喇，希望會有奇蹟出現，
ｄ file ｏ會揾得返，咁同事就唔駛重新入過咁慘喇。
今日依然唔忙，五點幾細佬老闆行左過又話自己唔知ｏ係度做緊乜？
於是我又話佢一定係冇左女王好寂寞唔習慣，之後佢就同我同埋分行秘書傾左陣偈，
睇黎今日佢心情都算唔錯，仲認自己係傻瓜添，哪！佢自己都認架，唔係我地屈佢．．．嘻！
我地傾到六點，跟住佢又催我地收工，今日放工冇女王同路，心血來潮去左睇衫，
所以晏左先走，上到車都七點幾，竟然電話響，心諗邊個咁呢個時候揾我呢？
拎個電話出黎一睇，原來係細佬老闆朋友仔『黃sir』，我一拎起電話就話佢有運喇，
平時呢個時侯係揾我唔到，咁都比佢撞正今日揾到我。佢話好似好耐大家冇聚過，
問我聽日得唔得閒約埋以前同事仔同埋阿囡出黎聚下，不過我估咁急佢地都可能約左人，
不過我盡管試打，阿囡就未揾到，痴纏同事女就揾到，但佢聽晚就約左人。
其實我今日ｏ係公司都有衝動打比呢個同事女，點知都真係要揾佢，
事關早前小肥肥同事走左之後個秘書位一直懸空兩星期，今日終請左人喇，
好似聽日返工，不過我估呢個人都未必捱得耐，因為有個極難頂ｏ既人，
小肥肥家姐形容為『癩雞』ｏ既女子，連短跑同事都想同佢鬧交咁濟，
所以我今日有衝動打比以前的同事女，同佢講若真係應承佢呢個前老闆的邀請，
放棄左依家做緊呢份高薪返黎做，但要對住個惡頂女人，唔知會唔會後悔。
之後大家傾左陣先收線。
今日雖然都過得平淡，但都總算有幾件巧合事，真係夾都冇咁ｏ岩呢∼∼
| 
