終於都黎到假期的尾聲喇，已經惰懶ｏ既我當然好唔捨得啦，
都又係果句囉，返工其實係最唔想早起身。

最尾的一日假期，所以今日都冇出到街，
只係乖乖咁留ｏ係屋企上下網，好好咁抖下，
因為預左聽日返工又要一輪博殺，唯一好彩係返左一個星期，
下個星期都有一日假仔放下，仲係連住星期六日添，都好開心喇。

聽日返工又要努力工作喇∼

又到星期六喇，我ｏ既假期又到尾聲，不過因為呢幾日太熱喇，
所以我都冇咩出街，除左行下超市外，都留ｏ係屋企對住部電腦，
另外都自己整下野食咁，都係平平凡凡咁過，所以都冇咩特別野記低，
但放假點都係最好ｏ既∼∼ ^+++^

琴晚成三點幾先訓，今日又破記錄訓到兩點先醒，
起身已經可以食下午茶喇，食完去左吉豬島買野，
然後再去街市，又再熱到成身汗，呢ｄ咁ｏ既生活真係好適合我呢種懶人，
呢個大假話咁快又放一半喇，再放耐ｄ真係唔捨得返工。