<<D 葡萄終於有收成喇，味道仲好甜呢∼>>

＊　＊　＊　＊　＊

真係好喇，終於都放假，剛放完大假的一個星期都好眼訓，
今日可以好好咁補返眠。

今日又去左飲茶，臨走落好大雨，所以都要等多陣先走，
本來諗住去銀行開下戶口，不過要星期一至五先有得辦理，
好在星期一香港Ｏ係假期但內地唔放假，所以到時先再去攪。

今日走去露台采收Ｄ葡萄，雖然細細粒，不過味道好甜，
唔怪得Ｄ衰鬼雀仔成日去偷食啦，若果唔係揾膠袋包住，肯定益晒Ｄ雀仔，
當然我諗Ｄ雀仔黎偷食，咁一定唔會唔好味，佢地真係識食。

聽日係回歸十週年，其實我冇乜太大感覺，只係驚嘆十年過得咁快，
因為感覺九七唔係太耐之前Ｏ既事，果真人越大時間越覺得過得快，
再過十年自己都唔知變成點咯∼∼

終於到左星期五喇，放假後的呢個星期成個星期都冇乜心機做野，
可能上星期ｏ既holiday mood 未過，黎緊的holiday mood 又到，
再加上今日係星期五，真係冇心機再加冇心機。

今日好似成日都冇咩做過咁，其中一個原因為張枱太細，
一堆ｄ野ｏ係度就好似冇晒為咁，更加冇心機做野。
朝早收到小朋友秘書電話，報告佢A-level 成績未如理想，亦有唔合格，
有時考試ｏ既野真係好難講，除左努力之外，都要講下運氣。
當然我呢種對考試十分淡薄ｏ既人，考試ｏ既唔如意對黎講唔係最重要，
但現世代已經講得考試成績同埋讀大學係好重要都已經係事實，
所以小朋友同事應該都會選擇進修，我當然唔會反對，行每條路都有佢發展ｏ既機會ｏ既，
希望佢呢幾日平復到心情，放假返黎唔好唔記得做野就好喇。

晏晝都係有少少混混下咁過，放完假新一個月開始先努力過啦∼∼

今朝起身天色好暗，果然出面落雨，不過好彩我返工途中都唔大雨，
到九點幾都好大雨喇。

今日襯住ｄ老闆唔係公司，的起心肝要一口氣清左家姐老闆比我出ｏ既Quotation，
最利害係出一個家庭，媽咪加二個小朋友，一共出左十一個quotation，
另外仲有幾個客，今日加加埋埋出左二十幾個quotation，真係用左大半A4 紙，
每個quotation 仲要計埋年供、半年供同月供，所以真係足足做左我半日有多，
若果唔係襯今日較靜，都好難清晒，一日唔清晒ｄ野阻住晒個位，好討厭。

因為今日落雨所以外賣返公司食飯，我地果個小朋友秘書聽日A-level 放榜，
呢兩三日佢都成日話就死，今日食飯提完仲喊起上黎添，果真係小朋友，
當然我都明白考試對一個畢業生都係好緊張ｏ既。

放工坐緊車時有電話打黎，原來係個小朋友秘書，ｄ小朋友又ｏ係度嗌慘，
所以都同佢傾左陣，直到關口先收線，算啦，見佢聽日放榜心情煩燥，就同佢傾陣啦，
都希望佢考得好ｏ既，雖然佢考到大學就唔會ｏ係度做喇，
不過，人ｏ係應該望高處ｏ既，讀到當然讀啦，唔知隻小朋友聽日會唔會打黎呢？