今朝又比煩煩老闆激親，唔記得想出邊隻plan咪出聲囉，
但寫比我就寫左出A plan，等我出好晒quotation 執好晒ｄ簡介比佢，
佢睇到個plan名原來唔係佢想要果隻，呢個時侯佢先話唔係，
原來佢係想要B plan，唔知佢知唔知咁係浪費左我時間同埋ｄ紙張，
我真係好有衝動想話佢，好彩早幾日又”領”左佢野，
家陣醒目幫佢出新Quotation一定save 左佢，若果唔係好似佢上次咁，
出好晒佢想要ｏ既plan比佢，佢先話想整多一個，真係好老土，
真係下次再係咁，我就要出聲叫佢諗清楚先好講，又或者唔清楚就講，
唔好等人做好晒先話唔係，真係佛都有火，浪費時間！

今日食lunch 只有同女王同埋新黎的小朋友秘書，
因為之前坐隔離同事仔話想去一間日日都超多人等位的雲南米線，
若果我地又一行七個人去的話實有排等，而且我份人好衰，
食晏時間有限，我唔係太想浪費咁多時間去等位，
又唔係得果度有得食，又唔係特別平又或者特別好食，
女王同我諗法差不多，而小朋友同事就實跟住我地，因為佢有ｄ驚短跑同事未必敢跟佢地。

食飯時小朋友同事吐左好多苦水，話我地有個同事對佢態度好差，
其實呢樣野我都早有所見，我地以前都同呢個同事食飯ｏ既，
不過近呢半年都已經冇喇，或者大家ｏ既興趣喜好不同，所以ｏ岩傾ｏ既話題唔多，
雖然依家我都仲有每個星期五一齊食早餐，但真係冇咩偈喇，
尤其以舊大老闆分行秘書走左之後，其實本來都冇咩ｏ既，
不過近來覺得呢個同事ｄ心態好似有ｄ問題，幾乎對ｄ新黎ｏ既同事都冇好感，
一ｄ又話人多野講，一ｄ又嫌人太靜，再唔係又話人地串，
而且佢同呢個新黎ｏ既小朋友秘書態度都幾差添，
雖然個小朋友初出茅廬，可能好多野唔識，但又何必黑口黑面？要令人難堪呢？
有時我都唔係太明佢咩心態，緦覺得佢依家有ｄ攪是非攪分代，
甚至依家佢比我ｏ既感覺比以前坐ｏ係我隔離已走左ｏ既『右護法』更加恐佈，
唉∼有時都唔明點鮮會咁？大家返工做野嘻嘻哈哈過一日咪幾好？
點解要攪咁多分化是非，唔鍾意呢個唔鍾意果個，唔通咁樣自己會開心咩？
依家我地一齊飯ｏ圈子越來越多人，由舊大老闆走左之後，
本來得我、女王、短跑同事三個人，變左依家有時七、八個，始終人多左，
唔多唔少會出現一ｄ問題，希望呢ｄ小問題將來唔會演變成大問題啦，
已經感覺到有少少忍患，不過都唔緊要ｏ既，
以前ｏ係公司我都經歷過將身邊ｏ既是非人全部踢走晒寧願做獨行俠，
依家若人事冇咩變動ｏ既話，我諗只少有女王同我志同道合卦？？哈哈！！(自話自說）

今日放工途中又落雨，好討厭呀∼∼∼ 

又到左星期一，返工都係懶懶散散，好在今日冇乜雨落，
朝早都係幫老闆出下quotation，工作唔算忙。
上星期心急老闆話今日點都要返下黎，所以都行過去佢間房望下，
原來佢今日真係返左，不過明顯冇乜氣咁，唔知係ｏ係屋企困得太耐，
還是真係未穩定精神唔好，但點都好寧願佢定定地唔好心急亂黎咁大家都安心。

中午本來幫心急老闆去揾個客拎返ｄ野，不過打比個客話再要考慮下簽唔簽份野，
咁是但啦，好在我例必之前會打比個客，如果唔係就白去一趟。

煩煩老闆今日無啦啦問我會唔會七月頭分行ｏ既慶祝晚餐，
仲要係平日夜晚添，講真我地去黎都係無呢拉謂，不過老闆叫到又費事唔去，
呢ｄ野又唔知點解佢又好似懶重視我咁，但我又唔多想去，
唯有我叫隔離秘書記得要陪我去，我諗佢地都可能會叫埋其他秘書去ｏ既，
若真係咁大家都叫有個伴唔駛咁悶囉。

我下星期端午之後會放埋三日大假，所以今個星期開始都要為放假做定準備喇。

琴晚半夜落好大o既雨，不斷行雷閃電，若果返工果陣係咁就弊喇。

天氣唔好，唔願起身，又駛時出街，因為隨時落好大ｏ既雨，
所以兩日假期都係吽左ｏ係屋企，我諗好快會吽出姑仔黎喇∼∼ ^^|||