終於到星期六喇，可以好好咁補下眠，可能因為忙左成個星期，
琴晚又由公司行路去QE探爸爸就更加攰，因為咁ｏ岩我琴日著左對新鞋，
行咁多路對行又未著鬆，攪到隻腳脹晒好鬼痛又攰，真係想貪靚ｄ都係唔得，
睇黎我都係適合做乞兒婆多ｄ。

琴晚十二點鐘左右訓，訓足十二個鐘到今日中午叫做好ｄ，
起身上左陣網先出去食野，之後返屋企抖左陣再出去買餸，
依家ｄ天熱相對細個果陣真係熱左好多，出一出街人都想溶，
夜晚煮埋飯出一身汗之後個人仲臭，熱熱ｏ既夏天真係難捱，
最好ｏ既節目都好似係喱ｏ係屋企嘆冷氣喇。

終於捱到星期五喇，呢個星期真係拎左我條命，返埋今日可以抖兩日，
朝早襯ｄ老闆們去晒開會，借左前細佬老闆部scaner黎用，
有feeder真係好好多，pat o係部機度唔駛理佢自己scan，
唔駛一陣就scan 好，若果我自己慢慢scan 分分鐘要scan 成粒鐘。

冇耐收到細佬電話，其實佢琴晚call 過我，不過我miss 左佢call，
今朝佢再打電話比我，原來琴日爸爸出去散步唔小心ｏ係街跌親依家住QE，
所以放工去探佢。

我爸爸因為佢年紀大，骨質疏鬆，近呢兩三年都退化左好多，今次一跌大睥骨裂左，
聽細佬轉述當時有兩個好心女仔扶佢，仲有好在隔離屋兩夫婦見到，
幫手扶佢，不過打比阿媽時唔ｏ係屋企，後尾佢地再上去通知阿媽，
最終call 白車去左醫院。

本來年青人骨裂可能抖下冇事，但因我爸爸年紀太大，ｄ骨都疏鬆，
為免日後有後遺証行唔到，所以要做手術裝返唔知係鋼片定人造骨，
今朝早做手術。放工後去探爸爸，精神都還可以，不過手術後當然會痛，
同埋因為手術後怕郁到傷口，所以暫時都唔可以點郁，
成日唔郁當然辛苦，加上老豆近年有『病風症』，關節成日痛，
加上冇得郁，就痛上加痛，不過為左要小心傷口，明白痛都要忍，
唯有叫佢乖ｄ忍下，臨走唯有幫佢用毛毯幫佢『薦』高少少等佢舒服ｄ，
ｏ係醫院留左大半個鐘先走，今次老豆應該都要段時間治療同休養，
始終年紀大機器壞，一向坐唔定鍾意走圍走ｏ既老豆都唯有停下，
希望佢乖乖地忍得住快ｄ好返啦。

呢個星期好忙，忙係忙於家姐老闆好多野做，
本來多野做都冇咩，但至辛苦係唔可以定定地做野，
家姐老闆太心急，樣樣野一做完立即拎出黎揾我，
所以成日做做下野都要分神去聽佢講野，佢講野又快，真係頭都爆埋，
連續幾日都係咁，我琴日真係爆炸，所以都告誡小朋友秘書我生人勿近，
唔好又無啦啦走埋我度訴苦，我怕一觸即發炸死佢冇命賠，
亦因為呢幾日真係好攰，我琴晚食完飯九點幾就爬左上床，
真係好想好好咁抖下。

今朝冇見家姐老闆返，襯住佢未返好好咁清下野，不過接近十一點佢又返左黎，
但因為有兩個鐘靜靜冇人騷擾地做野，都清左大半野，真係謝天謝地，
當然老闆返左黎情況又唔同啦，又係不斷咁拎野比我做，我又開始發顛喇，
食完飯返黎老闆都未走，佢話見到ｄ野唔清左先走唔舒服，
其實我朝早開完信箱都有一大堆野比佢，不過我都唔敢比佢住，等佢走左先，
唔係佢又做埋先走，之後又成堆野堆晒比我，我就真要吊頸先後，
好在佢走左之後又可以清野，基本上清左ｄ野，係有廿幾張野要scan 左email 比人，
我真係唔想太浪費時間續張scan，寧煩將ｄ時間黎做下野，
唯有聽朝襯佢地開會借前細佬老闆部scaner，因為可以feeder，可以慳好多時間，
真係時間寶貴呀，其實ｄ文件跟手就寄比個客，咁樣有時覺得email 完比客又寄比客，
真係浪費左ｄ時間，攪到ｄ野做唔切就唔好啦。

聽日星期五喇，希望快ｄ捱聽日抖返兩日先算。