今日工作都唔算太忙，所以都算平凡中渡過，
今晚食完晚飯返屋企見時間尚早，所以走左去打機，
所以話都唔好掂到遊戲機，一掂到就又唔停得，
聽日睇怕又會恰眼訓喇∼∼  ^^|||

<<曾經日夜陪伴我的遊戲機>>

<<只係其中一部份的遊戲碟>>

＊　＊　＊　＊　＊

呢排都幾好訓，雖然琴朝好晏先起身，不過琴晚一樣眼訓，
都未聽晒個”恐佈熱線”都頂唔順上床訓覺，今朝如常的訓到接近一點。

晏晝去左快餐店食左個下午茶餐後，再去埋街市買左ｄ簡單ｏ既餸菜，
之後返屋企打機去也。

話時話真係太耐太耐冇打機喇，仲記得未迷上上網之前，
我真係一個超級機狂，世嘉同埋PS我同樣擁有，因為費事傷腦筋買邊隻好，
加上當時ｄ『老翻』又平，幾乎個個星期都出去掃遊戲碟，仲會買game 書睇添，
有時都會買ｄ配件例如槍、跳舞毯同埋軚盤等等，放工晚晚一食完飯立即去打機，
放假仲成日打通宵添，有時都唔明點解自己咁鬼鍾意打機，係後尾開始玩上網後，
因為分唔到咁多時間兼顧兩種嗜好，先慢慢淡出打機，
所以我依家ｏ既遊戲機都依然停留ｏ係十多年前，不過都冇乜所謂啦，
反正以前都好多經典遊戲令人好懷念，所以拎返出黎重温下都唔錯，
等遲下等ｄ新遊戲機跌下價再考慮買返ｄ新遊戲機。

不過可能真係太耐冇打機喇，ｄ反應真係生硬左好多，
十足個初學者咁，唔得∼得閒都要打返多ｄ先得喇∼∼ ^++++^

今日訓到一點先起身，因為琴晚夜訓，起身煮左麵食，
跟住坐ｏ係度睇下電視，其實都又眼訓，不過唔敢訓咁多。
本來諗住出去買餸，不過夜晚約左朋友，所以又可以懶整一餐。

夜晚食完飯佢地ｄ男仔傾野，所以我返屋企先，
之後又係上網，成日都懶懶閒，或者一陣都睇返套戲先。