呢排唔知係咪天氣陰陰地又涼涼地，個人寧舍想訓，
琴日終於達成目標十點幾上左床訓，所以今日精神先較為清醒。

家姐老闆返左黎後，預算又會忙到嘔，但反而都幾清閒，
唔知係咪老闆未進入返作戰狀態，呢兩日我得閒到可以scan 左大半日野，
真係好耐冇試過咁閒，當然呢ｄ日子我都好樂於接受，呵呵！！

放工後剛走左ｏ既小朋友秘書打比我，同我預期差不多啦，
預左佢實會再打黎，同佢傾左陣到關口先收線，原來接佢個秘書日日都打比佢，
仲有十個八個咁多，真誇張，佢話依家見個秘書打黎都唔聽喇，
比著我都唔聽啦，先前又唔好好地學，懶懶散散玩手指，
聽日個小朋友秘書開學喇，應該會冇咁閒，佢好似話比個日記網址我媧，
不過我冇筆抄低叫佢聽日先打過黎，得閒等我睇下佢有冇懶惰都好，
若一發現又要鬧鬼佢先得∼∼  ^++++^

唔知係咪天陰陰關係，今日好似有少少涼意，呢種天氣最舒服。

今日雖然都有唔少文件要處理，不過主要都係寄信同scan 野，
朝早隔離分行秘書去開會，我又做埋ｄ超級悶ｏ既轉plan 野，
真係ｄ眼訓虫走晒出黎，晏晝都係唔忙，仲可以scan 左陣野，
ｄ老闆好似冇咩做咁，都唔知係好事定壞事，但咁落去出年出硬房喇，
而我又死得喇，嗚！！！

可能天氣開始涼涼地，好似特別易眼訓咁，今晚要做個好孩子早ｄ上床訓先得。

今日D學生哥開學喇，其實同我都冇乜關係，不過總覺得一開學就接近年尾喇。

朝早坐車時都望到架空中巴士，不過因為有距離，所以感覺唔到佢Ｏ既大，
反而以前住近舊機場，坐車經過見到飛機，距離仲要近好多，
諗起都覺得懷念。

今日工作唔算十分繁忙，可能Ｄ老闆們要開會啦，
所以都過得唔係太辛苦，不過心急老闆老公又送左花黎，
呢個星期又要日日幫佢換水喇。