好耐冇睇dvd，所以琴晚睇左『Diehard 4』先訓，雖然唔叫做十分之好，
但都叫緊張連場，算係ｏｋ喇，可能近年已經冇咩經典戲，相比之下都叫好啦。
今朝起身反而睇左陣『未來戰士續集』，雖然呢套已經係約９０年初作品，
但依家睇返依然係咁精采，經典果然係經典，無論故事制作都咁認真，
我雖然已經睇左好多好多次，內容亦非常熟，但再睇都係咁投入。

成兩點先去樓下開餐，跟住去樓下新開間髮廊試下，
今次淨係染左髮同埋剪髮，冇做到負離子，因為唔想整得太密咁傷頭髮，
所以依家ｄ頭髮都又『巒巒』地喇，不過是但啦，我呢ｄ又唔係靠個樣揾食，
但求簡單就ｏｋ喇。

夜晚又睇多套『神奇四俠２』，覺得都ｏｋ喇。聽日又返工喇，
九月份的開始，唔知今個月會唔會過得忙呢？

琴晚好曳成兩點先訓，今日十一點幾起身，其實都未想起身，
不過好似好耐冇去飲茶，所以去左飲茶。
之後去左花卉世界，又係好耐冇去，不過天氣好熱又好曬，冇咩人行，
又好似冇咩想買，可能太熱啦，所以行左陣都走喇，
跟住去左睇碟，雖然以前去開果間隱蔽店已經冇左，
但係樓下一層都有碟賣，都耐唔中有ｄ新碟出，今日都有收穫，
最近想睇『蜘蛛俠３』同『Diehard 4』，今次都買到，另外仲買多幾隻碟，
難得有ｄ新碟買嘛，之前諗住冇碟買有ｄｄ失落，
今次買返ｄ又有返ｄ『心靈慰藉』，呵呵！

聽日可能都要去下整頭髮喇，因為長左大唔舒服，
不過又要又排左喇。

琴晚掛住上網睇返D經典舊劇集，睇下睇下唔覺成十二點幾先訓，
攪到今日都幾眼訓，好彩返埋今日又可以休息下。

今日心急老闆請左假，連家姐老闆都有返兼一個電話都冇，
真係相當清靜，只係煩煩老闆有少量Ｏ既野做，實在難得的清閒，
所以都襯機好好咁清理下野。

今日係小朋友秘書Ｏ既last day，下星期佢又正式過返學生生活，
本應都諗住送樣小禮物比佢ｏ既，不過又怕佢眼淺懶感動，
怕人以為我蝦佢就弊喇，所以最終都係冇拎返黎。
朝早襯個個去開會同小朋友秘書影左ｄ相，但我同女王仲有分行秘書係都唔肯出鏡，
我地每人拎個公仔file 遮住面淨係露出眼黎同佢合影，激鬼死佢。
今日月尾加佢last day，當然超級多野做，我地都裝作對佢最後一日返工都若無其事，
我地放工時佢都未走得，經過佢個位時佢話有野比我地，
原來係一張咭仔，小朋友秘書先比左一張我，跟住比一張女王同分行秘書，
點知隻烏龍鬼拎錯左比第二個果張，真係瘀爆，臨走都要整ｄ蝦碌野，真笑死，
女王問點解佢地三個人比一張咭，小朋友秘書話唔夠咭媧，咁都得？真攞命∼∼ ^^|||

我地走前打開ｄ咭睇，佢寫比我話上次我想鬧佢時面都紅晒，佢仲話我可愛，
真係本來未血管未爆都比佢激到爆，又話知道我話佢都係想佢好，
但做錯野比我話時又覺得係樂趣，果然係變態秘書！！
又叫我地千祁唔好唔記得佢媧，完全係小朋友的表現，而且比咭我地時仲面紅紅眼濕濕，
真係小朋友！！其實性格都幾樂天，只係成日口快快講ｄ唔適合講ｏ既野，
仲有要經過提點住，可能真係年紀仲細啦，希望讀完書後大個ｄ會好ｄ啦。
小朋友秘書走左後，都叫做可以輕返口氣，唔駛又成日做住母親角式，日娥夜娥喇，
佢ｏ既下一手秘書可以不理，因為係一個樣串兼超級懶惰ｏ既人，
我地又唔同分行，毋須接觸喇，但唔知個新秘書捱得幾耐呢？但話之佢喇，
最緊要係聽日有得做懶豬∼∼yeah~~ !!!!