好不容易捱到星期五，呢排唔知點解次次到星期四已經有星期五Ｏ既感覺。
今晚家姐老闆返香港喇，所以清靜Ｏ既三星期到今日就結束，
真係歡樂Ｏ既時光過得特別快。
今日幾乎都做左自閉仔，因為今日成日都呢左Ｏ係家姐老闆房file 野同埋清文件，
最終將本來將滿ｏ既兩盒A4紙箱ｏ既文件執淨得半箱咁多，
而且仲將佢地一次過拎去碎紙機度消滅，真係大快人心，
不過都差不多碎左大半粒鐘，都有少少企到腳軟。
呢兩日女王放假，我又大部份時間ｏ係家姐老闆房，
隔離秘書話好似成日得一個人太靜。先前聽女王講佢老闆呢兩日應該唔返，
不過今日又幾乎成日ｏ係度，仲簽左單添，我話佢次次吼個秘書唔返工佢就ｏ係公司成日，
佢話平時秘書ｏ係度就可以放心出去跑，秘書放假就要返黎，
我諗女王都估唔到佢老闆今日會自己去影印同埋開信箱，
雖然佢話唔多識影又唔知邊條ｏ係信箱鎖匙，不過最終都攪掂，
我問佢個out tray係咪有好多野？佢話係，仲話聽日仲會返黎做野，
我諗若女王睇到我日記一定嚇親定，不過，話知佢啦，安心放完假先算喇。
今日小朋友秘書朝早冇返，應該去左註冊，最終佢決定讀樹仁，
但呢兩日比小朋友秘書激親，都冇乜耐性去對住佢，今日都教訓左佢幾句，
放工時佢又跟住一齊走，本來落到樓下會同佢地路行，
點知今日同分行秘書講左拜拜後諗住自己行，點知小朋友秘書ｏ係後面叫住我，
我聽到專登行快幾步，佢又ｏ係後面追，佢話今日專登早ｄ走同我一齊行媧，
我問佢做乜吼女王冇返跟住我，佢話冇乜時間同我傾偈，
同埋因為要尊重我話返比我聽佢日後去向，我話佢唔激我都已經好好喇，
跟住同佢傾到巴士站，佢仲好似要睇埋我上車先肯走咁，我唔駛喇，
叫佢早ｄ返屋企啦，佢問我係咪覺得好感動？我話我嘔血就真，
依家ｄ小朋友真係激死我。
夜晚約左兩個內地朋友去樓下新開的一家台灣食店食飯，
因為個女仔後日要返去大學準備開學，呢家食店質素唔錯，服務員都唔錯，
仲有價錢對我地黎講又唔貴，我地豪叫左好多野樣埋單都係一百七十蚊，
真係幾抵食，依家咁近有間唔錯ｏ既食店都真係方便喇。
| 
