＜＜新買的粉紅色漆皮鞋＞＞

＊　＊　＊　＊　＊

琴日超級眼訓，所以一訓落床就不醒人事，今朝真係唔願起身，
今日依然全日賣晒比家姐老闆，最近佢ｄ case 好煩，而且好多濕濕碎碎野，
真係煩得要死，家姐老闆份人做野快手，佢ｄ野一攪掂立即拎過黎我度，
所以呢幾日都係我好少可以一次過完成晒手頭上ｏ既野，往往做到一半佢電話就到，
又或者人行過黎又放低一堆文件，成日做一樣野要斷開幾次做埋極都埋唔到尾，真係好奄悶。
加上佢仲有大半個月就放假，佢又好心急放假前完成晒ｄ野，所以會好心急咁叫我追野，
仲有不斷做黎做去的quotation，不斷打電話、fax 同埋電郵去內部追野，
真係好悶，唔嗌救命都唔得。

今日心急老闆話聽日叫佢外甥女襯呢個暑假黎幫佢scan 文件，
所以聽日開始我又要湊多個小妹妹，要教佢點樣scan 同分類文件，
若果黎緊好似呢幾日咁家姐老闆不斷呼喚我，我諗我真係死得架喇，真係救命呀。

琴日收到對鞋好唔得，好在另外訂的一對鞋今日收到，因為有琴日果對太差對比，
今日呢對真係覺得好好，雖然發現到有少少花痕，不過都ｏｋ啦，我都接受到ｏ既，
琴日果對就真係得喇，好彩做野悶左一日，都有返樣開心ｄｏ既野。

星期一極唔想返工，因為琴晚顧住聽隻怪獸講去camp o既野所以夜訓，
今朝超級眼訓，真係唔想返工，加埋返到公司家姐老闆超級多野做，
就更加唔想做，成日都好眼訓，真係吽下吽下，尤其食完飯返黎，
雖然早左返公司，但家姐老闆好心急，臨出去食飯都要過黎同我講工作上ｏ既野，
其實當時我都係剛返公司，連銀包都未返，又剛剛梳完頭仲拎住把梳，
但家姐老闆都係不停咁講堆文件，講真果陣我剛返公司都未坐定，
真係完全接收唔到佢講乜，不過好彩佢通常都會寫低要做乜，
不過呢排佢好多濕碎野又臨近放假，真係我同佢都一齊做到氣咳。

今晚返到屋企收到對『Gucci』，不過又真係幾唔得，
上網同個賣家傾過，決定退貨，雖然都係蝕運費，但總好過要左黎唔呃，
即使平時出街買野都有機會買左唔ｏ岩，咁當今次又試下退款步驟啦。

今日"一支弓"o係屋企，訓到十二點幾起身，上左陣網先食野，
呢排天熱真係好熱，ｏ係廳度開行風扇黎食野都會流汗，
所以佢地去露營真係可想而知，真係咪攪我。

食完野坐左又睇左陣電視先出發去羅湖城，其實本來個心都有爭扎過不如下星期先去，
因為真係好熱，不過做左衫又冇野由唔拎，已經遲左個星期去拎，其實都幾心急。

今日去到鋪頭冇客ｏ係度，不過太熱我都要坐左陣先試衫，因為成身汗，
第一件試件連身裙都幾驚喜，因為我第一次去做左兩條連身裙都失敗左，
達唔到預期效果唔敢著，所以之後都唔係太敢做，但今次效果都算幾好，
至少比想像中好，雖然同ｄ瘦人比真係冇得比，但至少我唔怕的話都可以著出街，
之後再試埋兩件衫，效果亦唔錯，做工幾好，至少顯得瘦左，
同埋一直好驚著的恤衫亦冇Bit晒ｄ肉出黎，唔錯！兩條褲雖然唔叫十分fit，
但都ｏｋ啦，我著褲一向效果都ｏｋｏ既，仲有條半截裙都冇乜難度ｏ既，
係隻布做左出黎比預其中硬，但都冇乜問題ｏ既，所以今次真係比預期中滿意，
樣樣都可以著得到，去做左幾次衫，發覺其實揀布都幾重要，最衫我就係唔識揀布，
所以有時做出黎做唔到想要ｏ既效果。今日我ｏ係佢鋪頭度見到有條裙褲款都幾鍾意，
話唔定下次再黎整，如果唔係今日冇錢錢ｏ係身，一早就身痕左，哈哈∼∼

試衫途中收到隻怪獸電話知佢返左屋企，不過去完camp 都肯定攰到飛起，
未夠六點返到去見佢都訓左，於是我上左陣網先整野食比自己。
後尾佢起身後問返琴晚好唔好玩，佢話真係熱到死，成晚ｏ係個營度同ｏ係個蒸籠度冇分別，
加上果度又人多，大大話話有成幾百人，十足旺角咁，去程半路又塞車，
本來可能一個多鐘頭ｏ既車程變左成三粒鐘，原因係半途有車死火，
車上ｏ係人推唔開間車，所以塞住晒後面ｏ既車，我地ｄ國內同胞一向冇乜正義感，
寧願坐ｏ係間車度塞都冇落車睇下咩事，當然又唔駛旨意ｄ甚麼交通警去處理啦，
最終佢都話係同團有個比較熱心ｏ既人，一路上前睇下發生咩事，知道有車死火幫手推車，
若果唔係都唔知要塞到幾時，唉！！我地ｄ國內同胞真係．．．．．

屋企隻怪戰話好彩我琴晚冇去咋，唔係真係熱死我。
我話我當然唔會去啦，明知熱成咁一定冇得訓，又曬又熱仲加埋訓唔夠，
我肯定大發脾氣都似，到時佢一定比我哦埋仲慘上加慘添呀，die hard 喇∼　哈哈！！