琴日堆積住o既工作一大堆，今日又努力咁清，
不過不斷清又不斷有，因為家姐老闆好勤力，要幫佢準備一大堆Quotation，
雖然我努力咁清左比佢，不過佢同客傾完又會加碼，硬ｏ係冇得斷尾咁，
當然我都好想佢簽得成ｄ單，咁我做都開心ｄ。

中午前細佬老闆個RM同事難得今日唔駛出街，所以約我地去飲茶，
本來諗住都係得六個人，最後竟然走出九個人出黎，難得熱鬧。

晏畫幫家姐老闆email D quotation 同ｄ資料出去，
因為要整好幾樣野，都整左大半個鐘，聽日家姐老闆好似唔返，
煩煩老闆星期四又多數拎左假，今次又希望佢地唔ｏ係度可以清到野啦。

放假後返左一日工，琴日努力清左大部份Ｏ既野，
本來寄望今日可以清多Ｄ，不過家姐老闆好勤力，
好多Quotation 要出又要scan 又要email，
雖然有ｄ佢話唔趕，不過我依家個位鬼咁細，ｄ野放ｏ係度好阻我做野，
好想快ｄ清左佢，但又要花時間，所以今日都未太有mood做，
或者仲未回覆晒狀態啦，所以有時都會同女王同分行秘書傾下偈，
希望聽日會有機會清野啦，希望．．．．．

今日要返工喇，極其唔想早起身，因為呢幾日慣左晚睡晚起，
所以琴晚訓極都訓唔著，今朝先訓得到，都係訓得三粒鐘左右，
朝早聽到鬧鐘聲好似好陌生咁，因為成個星期都冇聽過喇。

放假後的第一日，都預左多野做，不過朝早都係襯老闆開會同同事傾陣偈先開工，
其實今日要做ｏ既野都唔算煩複，只係需要時間，
希望冇咩特別野的話聽日可以清到啦。