星期五喇，終於都星期五，實在太好喇∼∼
朝早依舊同同事食早餐，不過今日約埋隔離分行秘書一齊，
除左都想多個人熱鬧ｄ外，亦都係想多個人陪唔駛淨係得我同個同事仔，
事緣依家同同事仔真係越來越冇話題，近來幾乎次次都係我撩佢講野＜
問一句答一句，都幾無隱，但今次多左個同事一齊，發現原來都係改變唔到呢個情況，
得佢兩個時佢地都仲有野講下，我一坐落黎同事仔就冇晒聲，
呢個情況都可以話比我聽，可能大家心裏面都唔鍾意對方，
我亦唔係咁鍾意同事仔比較攪是非同太串的態度，
我諗黎緊等我放完假後會提出唔再一齊食早餐喇，大家勉強對住都係冇咩意思，
總之黎緊又有不祥預兆，又有再有是非捲入，當然希望預感錯左啦，唉．．．．．．
朝早襯ｄ老闆開會，幫家姐老闆打好封寄比客ｏ既信，通常佢會一年寫兩次，
講下自己近況，今次好多好多野寫，我諗放完假先開工喇。
中午八個秘書一齊食飯，難得氣氛幾好，大家有講有笑，唔知呢ｄ融洽氣氛可以維持幾耐？
食完飯後諗住scan 下野，不過真係太有Holiday mood，
同女王、分行秘書都傾左陣偈，之後先努力scan 野，
下星期一朝早老闆們去晒會展開會，理應冇乜人，之後捱多半晝又休息一個星期，
抖完今個假期應該年尾先有機會再放假，要好好珍惜先得喇∼∼ | 
