好野，返埋今日可以放幾日假喇，放假真係最期待ｏ既。

呢排老闆們都好靜，我都好耐冇試過可以日日都悠閒咁渡過，
有時又可以同ｄ秘書傾陣偈，若果多ｄ咁ｏ既日子就好囉。

家姐老闆呢幾日又為個大仔而煩惱，今次因為阿仔同同學仔打交，
對方家長極不滿意，似乎係要咬住阿仔唔放，誓要釘死佢先得安落，
雖然老闆阿仔郁手同人打交唔ｏ岩，但果個同學仔言詞間單打挑釁亦有唔ｏ岩，
個個人都緊張自己ｏ既仔女，就細路打交係咪要攪到要去報警？
又話要告到去教統局，又要求人地留班咁嚴重？
所以話依家ｄ家長太有知識真係好惡攪，依家做老師要對住ｄ家長真係仲慘過對住ｄ曳學生。
因為阿仔ｏ既事家姐老闆呢幾日心情都好down，雖然佢份人好堅強，
但件事一日未處理好一日都會影響佢心情做野，所以我估我放假時都未必太多野做ｏ既，
等我放完假返黎睇下點啦。

今日難得好大堆頭咁九個秘書一齊食飯，
不過，當中我未冇為意有同事仔未必咁鍾意同某ｄ秘書食飯，
或者唔太熟啦，但我又冇乜所謂，不過又真係未及時諗到咁情況，
到出晒聲之後先諗起，而同事仔雖然把口話冇所謂，不過都感覺其實有ｄ介意，
唉∼始終人多ｏ既時候總難免發生呢ｄ問題，呢個唔鍾意果個，
個果又唔鍾意呢個，雖然情況並唔係好嚴重，呢種情況似乎變成定律咁，
真係有時侯覺得人同人之間相處都幾煩，不過，依家ｏ既我始終都係果個宗旨．．．．
ｏ岩傾ｏ岩講就傾多ｄ，唔ｏ岩傾就講少ｄ對少ｄ，始終大家就唔得咁多，
要邊個就邊個都唔好，總之一句，返工但求開開心心就好喇，
唔好為人事間ｏ既野黎煩∼∼

呢個覺得過得超快，咁又過左三日可以放假喇，
但希望個假期過得冇咁快啦∼∼ ^++++^

琴日本想裝program 用黎整下theme ，諗住剷走無用ｏ既program，
費事阻住地方，但唔知點解boot 完機之後個window 揾唔方個user 黎login，
攪到入唔到window，所以琴冇機用，依家要重新試裝window先入得返黎。

今幾個老闆都有ｄ野比我做，攪claims 啦，入單啦，
ｄ老闆終於都返晒黎喇，係真正的返黎，唔駛好似上星期咁未入狀態。
食lunch 時同埋小肥肥同事的後人新秘書食飯，原來又係個妹妹仔，
令我諗返當初痴纏同事仔入黎做果陣都係妹妹仔一樣，
唔覺唔覺都三年幾喇。

雖然今日多返ｄ野做，但好彩唔複雜，都可以放工前做好，
我覺得真係同老闆坐近左，仲有唔駛出去同人爭電腦爭printer 都有關，
咁樣都可以慳返唔少時間呢。

今日又有例星期一的眼訓，打完篇日記都係時侯揾周公談下心喇∼∼

呢個星期感覺過得幾快，亦出奇地在預算之內，
仲諗住Ｄ老闆去完旅行返黎會忙死添。
難得咁快過左一星期，所以琴晚放工都走左去旺角行街街，
不過天宮不造美，放工先黎落大雨，雖然我都有遮，但都冇咁方便，
好彩Ｏ既係我揀一條最少機會淋雨Ｏ既路去地鐵站，到旺角一出站就到旺中，
所以都唔算好濕。

琴晚行行完旺中經花園街再去搭車，我都足足行左成三粒鐘，
原來行街都真係幾攰，或者如果買野可以想買就買會冇咁攰卦？
因為唔駛左諗右諗嘛，我最終都只係買左條褲同一件衫，
返到屋企都十點幾喇。

今日都好晏先起身，跟住去左飲茶，先前都好熱，不過跟住就落雨，
所以都費事周圍去留Ｏ既屋企，本來打算去街市買野，
因四、五點先雨落得最大，所以最終都係諗住出去食，
但今日好幸運，去港式快餐店買野食抽獎，抽到免費晚餐，
所以今晚好開心咁享受左一餐免費晚餐喇∼∼嘻嘻！！