<<下載的其中幾本日本時裝雜誌，已經可以慢慢睇喇∼ ^^>>

＊　＊　＊　＊　＊

今日叫做正式放自己o既大假，放假當然唔捨得訓，
琴晚磨到成三點先訓，今朝雖然十一點幾醒左，不過一恰埋眼又訓著左，
如事者訓下醒下幾次，成點幾鍾先爬起身，都話張床轉左位更加好訓，
有時都好佩服自己可以咁懶訓。

因為琴日細佬拎左阿媽包ｏ既靚粽，所以今個午餐唔駛出街都冇著落。
今日天氣好好，陽光普照，不過就好熱，所以日頭都留ｏ係屋企避暑，
到黃昏先出去街市買野，雖然我行得好慢好慢，不過返到屋企依然成身汗，
炎熱ｏ既夏天真係正式開始喇∼∼

今日上網揾到ｄ日本時裝雜誌download，雖然每頁都有ｄ logo，
不過唔駛錢都冇乜要求啦，真係好喇，ｏ係香港完全唔會去買呢類書，
ｏ係呢邊有時會買，因為最近又有少少想去做衫，所以想參考下ｄ款式，
依家可以ｏ係網上免費下載，咁可以連十幾蚊都慳返喇∼∼嘻嘻！！

今日係端午節喇，時間過得快到冇乜感覺咁。
琴日雖然只係返左一日工，不過都好眼訓，
最近間房將張床移過位，因為想ｏ係間房放多張書檯／電腦檯，
移完位之後覺得好訓左，可能以前面住窗口訓，雖然窗簾有遮光簾，
始終窗簾頂同牆邊都有ｄｄ隙，不過移完張床後窗口變左ｏ係隔離，
覺得旁邊好似寬敞左，攪到本來已經係懶豬ｏ既我更加好訓，
不過訓得到係好事，所以我好樂於做大懶豬∼嘻嘻！

今日細佬過左黎，仲領埋阿媽包ｏ既粽，真係好喇，
之後一齊去左飲茶，然後細佬自己去行購書中心、超級市場等，
而我今晚打算親手下廚，我細佬都真係好少可食到我整ｏ既野，
有時出街食又要諗地方，放假整下野食又可以睇下電視。

不過果真係一到端午後就正式踏入夏天，今日晏晝真係好鬼熱，
雖然有拎遮返到屋企都成身臭汗，所以夏天一到，一係就熱死，
一係就落雨，真冇計。

聽日好似會好熱，好彩係唔駛返工，不過想出去行街都要諗過先喇∼∼

返埋今日工又可以放成個星期的大假，好期待！！
一早已經有hoilday mood喇，仲加埋今朝全部agent 都去晒灣仔上堂添，
所以朝早可以好清閒咁同秘書傾下偈，又print D新產品介紹出黎睇下，
仲可以碎緊ｄ野添，就咁好悠閒咁過左個朝早。

其實都有預感晏晝會忙碌，因為晏晝老闆會返工，
起初都冇咩特別，但四點幾後煩煩老闆同家姐老闆都出動比野我做，
假若係平早都冇咩所謂，因為今日做唔切可以留返第二日，
但因為放幾日假ｄ工作唔想留咁多日，所以迫住要做晒先走，
最終整完都接近六點四十五分，暫時可以將工作pat 低，
都話知佢喇，呢幾日點都抖左先，下個星期返工先算咯∼∼