年中冇幾多日office 冇乜人，除上上星期外，今日都有一日，
今日係佢地ｏ既『Fun Day』，去左元朗大棠渡假村參加集體活動，
而亦今日亦係我地一眾秘書ｏ既Fun Day，因為冇晒老闆ｏ係度，
但我就除外，因為心急老闆有左ｂ唔會參加，而家姐老闆例唔去呢個活動，
佢寧願罰錢架嗟∼∼

今日我地幾日又ｏ係咁邊傾邊做ｏ既情況下過左，真係好舒服，
真係多ｄ呢ｄ日子就好咯∼∼∼

琴晚上網卦住睇返『交響情人夢』第一、二集，因為先前冇睇，
睇返又幾好笑，但就夜訓今日傻傻下。

朝早如夢咁做左陣野，之後入家姐老闆房，先前係傾公事，
傾傾下講開細佬老闆最近又招惹麻煩野，於是家姐老闆話關埋門坐低傾。
其實事緣係上星期細佬老闆個女（女downline）去問女王拎辭職表格，
女王有同我講返，大家都覺得佢地又想玩野，因為琴年佢地同細佬老闆之間有ｄ過節，
雖然細佬老闆都有做得唔好ｏ既地方，但佢兩個女好似死都喙住唔放，
因為佢地太任性，ｄ野得唔到就唔憤氣想攪事，硬係覺得要將事情揚大，
不過我覺得佢地越係攪事，越令人覺得佢地自己有問題，太幼稚兼反骨，
好在細佬老闆都經一事長一智，好多事情都睇化左，唔會再因呢ｄ事而困擾自己，
或者都係比機會佢學下點樣處理ｄ煩野，將來仲對佢有好處。

同家姐老闆大家都有傾返對細佬老闆兩個女downline o既感覺同埋佢地做ｏ既野，
ｏ係我地角度都覺得佢地極細路，但點都好，希望事情可以盡快解決，
雖然最壞打算佢地真係唔做或者轉第二組，寧願再努力過好過對住ｄ『頂心杉』，
唔知邊日ｄ野唔ｏ岩佢地心意而玩野，『合則來不合則去』，爽爽快快黎個了斷仲好，
大家都唔好阻住大家喇。

呢一入房其實都好似傾左好耐，我諗只少都有半個鐘卦？？
出左老闆房先覺得有ｄ凍，因為老闆房ｄ冷氣好勁，ｏ係房時可能傾得太起勁冇留意喇，哈哈！

晏晝都係迷迷懵懵咁過左，過埋聽日星期五ｄ人去晒Fun day, 應該都有日清靜下喇。

最唔想返工的星期一到喇，朝早襯老闆們開會，整理下ｄ新application form，
update program 等，因為今日開始有新產品出，不過次次出新野ｄ form有改動，
ｄ舊form　都唔要，認真浪費。

成朝me me 麼麼就係重覆幫幾個老闆update D form，冇耐就有第一轉年尾訂ｏ既禮品到，
真係年尾惡夢ｏ既序幕，又開始踏入忙ｏ既季節，所以呢個月幾個秘書都輪流放大假，
一來好多都為要清假期，二來抖下先再轉殺，而我暫時打算月尾放，
之後應該忙到年尾架喇。

＊　＊　＊　＊　＊

琴日download 左隻『屁屁體操』做鈴聲，雖然好似有d變態，但又幾得意幾攪鬼，
至少有電話響都覺得開心ｄ冇咁煩悶啦嘛。